ଲଟେରୀ ଉଠାଣକୁ ନେଇ ଉତ୍ତେଜନା: ବାଇକ୍‌, ଗ୍ରାଇଣ୍ଡର, ଟିଭି, ଫ୍ରିଜ ଲୁଟ୍‌

ମାଲକାନଗିରି: ମାଲକାନଗିରି ଜିଲ୍ଲା କାଲିମେଳା ବ୍ଲକ ଏମଭି ୭୩ ଗାଁରେ ଲଟେରୀ ଉଠାଣକୁ ନେଇ ଉତ୍ତେଜନା ଦେଖାଦେଇଥିଲା। ଜାଲିଆତି କରାଯାଉଥିବା ସନ୍ଦେହରେ ଲୋକମାନେ ମଞ୍ଚ ଭାଙ୍ଗିବା ସହ ଆୟୋଜକଙ୍କୁ ଠେଲାପେଲା କରିଥିଲେ। ଏହାସହ ବିଜେତାଙ୍କ ପାଇଁ ରଖାଯାଇଥିବା ବାଇକ୍‌, ଗ୍ରାଇଣ୍ଡର ଭଳି ସାମଗ୍ରୀ ଲୁଟି ନେଇଛନ୍ତି।

ସୂଚନାଯୋଗ୍ୟ, ଗଣେଶ ପୂଜା ଉପଲକ୍ଷେ ପୂଜା କମିଟି ପକ୍ଷରୁ ଲଟେରୀ ଆୟୋଜନ ହୋଇଥିଲା। ଏଥିପାଇଁ ଶହେ ଟଙ୍କାରେ ଟିକେଟ ବିକ୍ରି ହୋଇଥିଲା। ଗତକାଲି ଲଟେରୀ ଉଠାଣ ବେଳେ ଏଥିରେ ଜାଲିଆତ କରାଯାଉଥିବା ସନ୍ଦେହ କରି ଉତ୍ତେଜିତ ହୋଇ ପଡ଼ିଥିଲେ ଲୋକେ। ବିଜେତାଙ୍କ ପାଇଁ ରଖା ଯାଇଥିବା ବାଇକ୍‌, ଗ୍ରାଇଣ୍ଡର, ଟିଭି ଓ ଫ୍ରିଜ ସହ ଅନ୍ୟାନ୍ୟ ସାମଗ୍ରୀ ଲୁଟି ନେଇଥିଲେ।

ଖବର ପାଇ କାଲିମେଳା ପୋଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିବା ସହ ଘଟଣାର ତଦନ୍ତ ଆରମ୍ଭ କରୁଛି।