ଯାଜପୁର (ଗୁଲାମ୍ ଗସ୍): ଦୋକାନ ପିଣ୍ଡାରେ ବସି ଖବରକାଗଜ ପଢୁଥିବା ବେଳେ ନିର୍ମାଣାଧୀନ ଗେଟ୍ ଖସିପଡ଼ିବାରୁ ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ନାଁ ତୁଷାର କୁମାର ଷଡ଼ଙ୍ଗୀ। ତାଙ୍କ ଘର ଯାଜପୁର ଜିଲ୍ଲା ଦେବୀଦ୍ଵାର ହରିପୁର ଗାଁରେ।
ତୁଷାର ଆଜି ସକାଳେ ବିରଜା ମନ୍ଦିର ନିକଟସ୍ଥ ବ୍ରହ୍ମକୁଣ୍ଡ ମୁଖଶାଳାରେ ନିର୍ମାଣାଧୀନ ପଥର ଗେଟ ପାଖରେ ଥିବା ଏକ ଦୋକାନ ପିଣ୍ଡାରେ ବସି ଖବରକାଗଜ ପଢୁଥିଲେ। ଏହି ସମୟରେ ନିର୍ମାଣାଧୀନ ଗେଟ୍ ଭାଙ୍ଗି ତାଙ୍କ ଉପରେ ଖସି ପଡ଼ିଥିଲା। ଫଳରେ ସେ ଗୁରୁତର ଭାବେ ଆହତ ହୋଇଥିଲେ।
ଗୁରୁତର ଅବସ୍ଥାରେ ତାଙ୍କୁ ଯାଜପୁର ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଯାଇଥିଲା ଓ କଟକ ସ୍ଥାନାନ୍ତରିତ କରାଯାଇଥିଲା । ହେଲେ କଟକ ଯିବା ବାଟରେ ତାଙ୍କର ମୃତ୍ୟୁ ଘଟିଥିବା ଜଣାପଡ଼ିଛି ।
ନିମ୍ନମାନର କାର୍ଯ୍ୟ ଯୋଗୁଁ ଏଭଳି ଅଘଟଣ ଘଟିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
