ଶ୍ରୀକ୍ଷେତ୍ରରେ କାଲି ବିଜେଡିର ମେଗା ସୋ: ୨୦ ପ୍ରଶ୍ନ ପଚାରି ଘାଇଲା କଲା ବିଜେପି

<p>ଭୁବନେଶ୍ୱର, (ଓଡ଼ିଶା ରିପୋର୍ଟର):ପ୍ରତିଷ୍ଠା ଦିବସ ପୂର୍ବରୁ ବିଜେଡିକୁ&nbsp; ପ୍ରଶ୍ନବାଣରେ ଘାଇଲା କରିଛନ୍ତି ବିରୋଧୀ। ୨୦&nbsp; ବର୍ଷରେ ପହଁଞ୍ଚିଥିବା ବିଜେଡି ମୁଖିଆଙ୍କୁ ବିଜେପି ପଚାରିଛି ୨୦ ଟି ପ୍ରଶ୍ନ। &nbsp;ସରକାରଙ୍କ ବିକାଶର ବାର୍ତ୍ତା ଉପେରେ ସନ୍ଦେହ ପ୍ରକାଶ କରି କଂଗ୍ରେସ ମଧ୍ୟ ପଚାରିଛି କିଛି ପ୍ରଶ୍ନ । &nbsp;ଏପଟେ ଆସନ୍ତା କାଲି ପୁରୀରେ ଦଳର ମେଗା ସୋ ପାଇଁ ବ୍ୟାପକ ପ୍ରସ୍ତୁତି ଚୁଡାନ୍ତ ପର୍ଯ୍ୟାୟରେ ପହଁଞ୍ଚିଛି ।</p><p>ଅନ୍ୟପଟେ ଦୁଇ ଦଶନ୍ଧିର ଯାତ୍ରାର ହିସାବ ଦେଇଛି ବିଜେଡି। &nbsp;ସହର -ବଜାର, ରାସ୍ତା- ଘାଟ, ଗଳି କନ୍ଦି ସବୁଠି ସଫଳତାର ଗାଥା। &nbsp;କେଉଁଠି ବିଜୁ ଏକ୍ସପ୍ରେସ ୱେର ହିସାବ ତ&rsquo; କେଉଁଠି ରାଜଧାନୀକୁ ସ୍ମାର୍ଟ ସିଟି କରିବାର&nbsp; ଗୌରବମୟ ଚିତ୍ର। &nbsp;ପୁଣି କେଉଁଠି ସଫଳ କ୍ରୀଡା ମହୋତ୍ସବର ଆୟୋଜନ। &nbsp;ତେବେ ସରକାରଙ୍କ ହିସାବ ବିକାଶର ଏ ଗୋଲାପି ଚିତ୍ରକୁ କିନ୍ତୁ ଗ୍ରହଣ କରୁନାହାଁନ୍ତି ବିରୋଧୀ। &nbsp;୨୦ ବର୍ଷ ପୂର୍ତ୍ତି ପାଳନ କରିବା ଆଗରୁ ଦଳର ମୁଖିଆଙ୍କୁ ଆଜି ବିଜେପି ପଚାରିଛି ୨୦ ଟି ପ୍ରଶ୍ନ। &nbsp;ଏଥିରେ ଅଛି&nbsp; ଚିଟଫଣ୍ଡ କ୍ଷତିଗ୍ରସ୍ତଙ୍କୁ କେବେ ସରକାର ଫେରେଇବେ ଲୁଟ ଟଙ୍କା ? ଜରିମାନା ଆଦାୟରେ ଖଣି ଲିଜ ଧାରୀଙ୍କୁ ଅଯାଚିତ ଅନୁକମ୍ପା କାହିଁକି? ଚାଷୀ ଆତ୍ମହତ୍ୟାକୁ କେବେ ମାନିବେ ସରକାର ? କୃଷି କମିଶନ ରିପୋର୍ଟ କୁଆଡେ ଗଲା ? ଭାଗଚାଷୀଙ୍କୁ କେବେ ମିଳବ ଅଧିକାର ? ୩୬ ଲକ୍ଷ ଘରେ କେବେ ପହଁଞ୍ଚିବ ବିଜୁଳି ? ସ୍ୱାସ୍ଥ୍ୟ କେନ୍ଦ୍ରରେ ଖାଲିଥିବା ଡାକ୍ତର ପଦବୀ କେବେ ପୂରଣ ହେବ?&nbsp; ଖାଲି ପଡିଥିବା ୪୪ ହଜାର ଶିକ୍ଷକ ପଦ କେବେ ପୁରଣ ହେବ ?</p><p>ସମାନ ଢଙ୍ଗରେ କଂଗ୍ରେସ ମଧ୍ୟ ଅନକେ ପ୍ରଶ୍ନ ପଚାରି ନବୀନଙ୍କୁ&nbsp; କାଠ ଗଡାରେ ଠିଆ କରିଛି । ଏପଟେ ଆସନ୍ତାକାଲିର ମେଗା ସୋ ପାଇଁ ପୁରୀ ତାଳବଣିଆରେ ଜୋରଦାର ଚାଲିଛି&nbsp; ପ୍ରସ୍ତୁତି ପର୍ବ। &nbsp;&nbsp;ସହରରେ ଛାଇ ଗଲାଣି ପୋଷ୍ଟର ବ୍ୟାନର ପ୍ରତିଷ୍ଠା ଦିବସରେ ସାମିଲ ହେବାକୁ ଆଜି ଚୌଦ୍ୱାରରୁ ବାହାରିଥିଲା ଦଳର ସାଇକେଲ ଶୋଭାଯାତ୍ରା । ନବୀନ ନିବାସରେ ପହଁଞ୍ଚିବା ପରେ ସାଇକେଲରେ ଆସିଥିବା କର୍ମୀଙ୍କୁ ନବୀନ ନିବାସରେ ସ୍ୱାଗତ କରିଥିଲେ ବିଜେଡି ସୁପ୍ରିମୋ।&nbsp; &nbsp;୨୦ ବର୍ଷ ପୂର୍ତ୍ତି ଉତ୍ସବ ଅବସରରେ ଶ୍ରୀକ୍ଷେତ୍ରରୁ ଆଗାମୀ ଓଡିଶାର ବିକାଶ ଯାତ୍ରାର ରୋଡ ମ୍ୟାପ ପ୍ରସ୍ତୁତ କରିବ ବିଜେଡି। &nbsp;ଏଥିରେ ସରକାରଙ୍କ ୧୭ ବର୍ଷ ସଫଳତାର ଯାତ୍ରା ଓ ଆଗାମୀ ଦିନର ଲକ୍ଷ୍ୟ ଉପରେ ମାନସ ମନ୍ଥନ କରିବେ ନେତା।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।