ବ୍ରହ୍ମପୁର (ଓଡ଼ିଶା ରିପୋର୍ଟର): ଘରର ଆଜବେଷ୍ଟସ୍ ଖସି ଚାଲିଗଲା ନାବାଳକଙ୍କ ଜୀବନ। ଏଭଳି ଦୁଃଖଦ ଘଟଣା ଘଟିଛି ଗଞ୍ଜାମ ଜିଲ୍ଲା ଟାଉନ ଥାନା ଅନ୍ତର୍ଗତ କେନାଲ ସାହିରେ। ମୃତ ନାବାଳକ ଜଣଙ୍କ ହେଲେ କିଷାନ ବେହେରା। ତାଙ୍କୁ ୧୦ ବର୍ଷ ହୋଇଥିଲା।
କିଷାନଙ୍କ ପରିବାର କେନାଲ ସାହିରେ ଭଡ଼ା ଘରେ ରହୁଥିଲେ। ଏହି ଭଡ଼ା ଘରର ଗୋଟିଏ ବଖରାରେ ନିର୍ମାଣ କାର୍ଯ୍ୟ ଚାଲିଥିଲା। ଗୋଟିଏ ବଖରା ଘର ଆଜବେଷ୍ଟସ୍ ବାହାର କରାଯାଇ କାମ ଚାଲିଥିଲା। କିଷାନଙ୍କ ପରିବାର ଅନ୍ୟ ଏକ ବଖରାରେ ରହୁଥିଲେ। ରାତିରେ କିଷାନ ପରିବାର ଲୋକଙ୍କ ସହ ଘରେ ଶୋଇ ଥିଲେ। ଏହି ସମୟରେ ଆଜବେଷ୍ଟସ୍ ଟି କିଷାନଙ୍କ ଉପରେ ଖସି ପଡ଼ିଥିଲା।
ପରିବାର ଲୋକେ ତାଙ୍କୁ ଗୁରତର ଅବସ୍ଥାରେ ଡାକ୍ତରଖାନାକୁ ନେଇଯାଇଥିଲେ। ଡାକ୍ତର ନାବାଳକଙ୍କୁ ମୃତ ଘୋଷଣା କରିଥିଲେ। ଆଜବେଷ୍ଟସ୍ ଉପରେ କୌଣସି ଠେସ ନ ଥିବାରୁ ଖସି ପଡ଼ିଥିବା ସ୍ଥାନୀୟ ଲୋକେ କହିଛନ୍ତି।