କମୁନି ମାଙ୍କଡ଼ ଆତଙ୍କ: ପୁଣି ୬ ଗଲେ ମେଡିକାଲ

<p>ବାଲେଶ୍ୱର (ଓଡ଼ିଶା ରିପୋର୍ଟର): ନୀଳଗିରିରେ ଥମୁନି ମାଙ୍କଡ ଆତଙ୍କ। ଘାଟଘର ସାହିରେ ଆଜି ମାଙ୍କଡ ଆକ୍ରମଣରେ ପୁଣି ୬ଜଣ ଗୁରୁତର ହୋଇଛନ୍ତି। ଦୁଇଦିନ ଭିତରେ ମାଙ୍କଡର ଆକ୍ରମଣରେ ୧୧ଜଣ ଆହତ ହୋଇ ସାରିଲେଣି। ମାଙ୍କଡ ଉତ୍ପାତ ଯୋଗୁଁ ଲୋକେ ଘରୁ ବାହାରିବାକୁ ବି ଭୟ କରୁଛନ୍ତି।</p> <p>ମାଙ୍କଡ଼କୁ ଧରିବାରେ ବନ ବିଭାଗ କର୍ମଚାରୀମାନେ ପ୍ରୟାସ କରୁଥିଳେ ମଧ୍ୟ କିଛି ଲାଭ ହେଉନାହିଁ। ଏହାକୁ ନେଇ ଅଞ୍ଚଳରେ ଉତ୍ତେଜନା ବଢିବାରେ ଲାଗିଛି। ଏପରିକି ଲୋକେ ଶେରଗଡ ଉଦଳା ମୁଖ୍ୟରାସ୍ତା, ଘାଟଘର ସାହି ଓ ଚେକଗେଟଠାରୁ ଜଗନ୍ନାଥ ମନ୍ଦିର ରାସ୍ତା ଅବରୋଧ କରିଥିଲେ। ଘଟଣା ସ୍ଥଳରେ ପୋଲିସ ପହଞ୍ଚି ଲୋକଙ୍କୁ ବୁଝାଶୁଝା କରିବା ପରେ ରାସ୍ତାରୋକ ହଟିଥିଲା।</p> <p>ଉତ୍ପାତ ମଚାଥିବା ମାଙ୍କଡକୁ ଧରିବା ପାଇଁ ବନ ବିଭାଗ ପକ୍ଷରୁ ଶିମିଳିପାଳରୁ ଏକ ବିଶେଷଜ୍ଞ ଟିମ୍&zwnj; ଡକାଯାଇଥିବା ସୂଚନା ମିଳିଛି।</p>