ଭୁବନେଶ୍ୱର(ଓଡ଼ିଶା ରିପୋର୍ଟର) : ଭୁବନେଶ୍ୱର ଉପକଣ୍ଠ ଗିରିଙ୍ଗାପୁଟରେ ଏକ ହନୁ ମାଙ୍କଡ଼ ଆକ୍ରମଣରେ ଗତକାଲି ଜଣେ ବୃଦ୍ଧାଙ୍କ ମୃତ୍ୟୁ ହୋଇଛି। ଖବର ପାଇ ଚନ୍ଦକା ବନ ବିଭାଗ ଟିମ୍ ଓ ନନ୍ଦନକାନନରୁ ଏକ ଟିମ୍ ପହଞ୍ଚି ଆଜି ଉତ୍ପାତିଆ ହନୁ ମାଙ୍କଡ଼କୁ ଟ୍ରାଙ୍କୁଲାଇଜ୍ କରିଛନ୍ତି। ଏହାପରେ ମାଙ୍କଡ଼ଟିକୁ ନନ୍ଦନକାନନ ପଠାଇ ଦିଆଯାଇଥିବା ଜଣାଯାଇଛି।
୨ ମାସ ଧରି ଗୋଟିଏ ହନୁ ମାଙ୍କଡ଼ ଉତ୍ପାତ ଚଳାଇଥିବା ବେଳେ ଏହାକୁ ନେଇ ଗ୍ରାମବାସୀଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା। ଉକ୍ତ ହନୁ ଆକ୍ରମଣରେ ଅଦ୍ୟାବଧି ୩୦ରୁ ଅଧିକ ଆହତ ହୋଇସାରିଲେଣି ।
ଚନ୍ଦକା ବନ ବିଭାଗ ଟିମ୍ ଏହି ହନୁ ମାଙ୍କଡ଼କୁ ପ୍ରଥମେ କାବୁ କରିବାକୁ ଚେଷ୍ଟା କରି ସଫଳ ହୋଇପାରି ନ ଥିଲେ। ଏହାପରେ ଲୋକଙ୍କ ମଧ୍ୟରେ ଉତ୍ତେଜନା ଦେଖାଦେବାକୁ ଆଜି ସକାଳେ ନନ୍ଦନକାଳନରୁ ଏକ ଟିମ୍ ପହଞ୍ଚି ମାଙ୍କଡ଼ଟିକୁ ଟ୍ରାଙ୍କୁଲାଇଜ୍ କରିବାରେ ସଫଳ ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।