ଖୋର୍ଦ୍ଧା(ଓଡ଼ିଶା ରିପୋର୍ଟର): ଲଗାଣ ବର୍ଷାରୁ ଧସିଲା ମାଟି କାନ୍ଥ। କାନ୍ଥ ତଳେ ଚାପି ହୋଇ ଚାଲିଯାଇଛି ଅଜା ଘର ବୁଲିବାକୁ ଯାଇଥିବା ୩ ବର୍ଷିୟ ନାତୀର ଜୀବନ। ଆଜି ବୋଲଗଡ଼ ବ୍ଲକ ଆରିକମା ପଞ୍ଚାୟତ ବେଗୁନିଆପାଟଣା ଗାଁରେ ଘଟିଛି ଏହି ଅଘଟଣ। ମା’ ସହ ଏହି ଶିଶୁ ଅଜା ଘରକୁ ବୁଲିବାକୁ ଯାଇଥିଲା।
ସୂଚନା ମୁତାବକ, ବାଣପୁରର ବଡ଼ପଦର ଅଂଚଳର ସୁବ୍ରତ ମହାରଣାଙ୍କ ସ୍ତ୍ରୀ ଓ ପୁଅ ରାହୁଲ ଅଜା ଘର ବେଗୁନିଆପାଟଣା ବୁଲିବାକୁ ଆସିଥିଲେ। ନାତୀ ଓ ଝିଅ ଆସିଥିବାରୁ ଅଜା ପ୍ରଫୁଲ ପ୍ରଧାନ ଖୁବ୍ ଖୁସୀ ଥିଲେ। ହେଲେ ଏହି ଅଘଟଣ ସବୁ ଖୁସୀ ପାଣି ଫୋଟକା ଭଳି ଫଟାଇ ଦେଇଛି। ପୂରା ପରିବାର ଦୁଃଖରେ ଭାଙ୍ଗି ପଡ଼ିଛନ୍ତି।
ରାହୁଲଙ୍କ ବାପା ସୁବ୍ରତ ଚେନ୍ନାଇରେ ଦିନ ମଜୁରିଆ ଭାବେ କର୍ଯ୍ୟ କରନ୍ତି। ଘଟଣାଟି ଏହି ଅଞ୍ଚଳରେ ଶୋକର ଛାୟା ଖେଳାଇ ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
