ଚିଲିକା ଭିତରେ ପଶିଲେ ୨୦୦୦ ମତ୍ସ୍ୟଜୀବୀ

ଖୋର୍ଦ୍ଧା(ବଳରାମ ଲେଙ୍କା): ବେଆଇନ୍‌ ଘେରି ଓ ଜାଲ ଉଚ୍ଛେଦ ପାଇଁ ଚିଲିକା ଭିତରେ ପଶିଛନ୍ତି ପ୍ରାୟ ୨୦୦୦ ମତ୍ସ୍ୟଜୀବୀ। ନଇରି ଜେଟି ଦେଇ ସେମାନେ ଡଙ୍ଗା ଧରି ଚିଲିକା ଭିତରେ ପଶି ଆନ୍ଦୋଳନ କରୁଛନ୍ତି। ଏହାର ନେତୃତ୍ୱ ନେଇଛି ଚିଲିକା ମତ୍ସ୍ୟଜୀବୀ ମହାସଂଘ।

ଏମାନଙ୍କ ଅଭିଯୋଗ ହେଲା, ଚିଲିକା ଭିତରେ ଘେରି ଓ ଜାଲ୍ ପକାଯିବାରୁ ସାଧାରଣ ମତ୍ସ୍ୟଜୀବୀ ପ୍ରଭାବିତ ହେଉଛନ୍ତି। ସେମାନେ ଠିକରେ ମାଛ ମାରି ପାରୁ ନାହାନ୍ତି। ଏହା ଦ୍ୱାରା ହଜାର ହଜାର ପରିବାରର ପେଟପାଟଣା ପ୍ରଭାବିତ ହେଉଛି।

ତେଣୁ ଘେରି ଭାଙ୍ଗିବାକୁ ଓ ଜାଲ ହଟାଇବାକୁ ଚିଲିକା ଭିତରକୁ ଯାଇଛନ୍ତି ମତ୍ସ୍ୟଜୀବୀ।