କୋଭିଡ ଟେଷ୍ଟ କଲେନି ବୋଲି ମିଳିଲାନି ରାସନ!

ଭଞ୍ଜନଗର (ରାଜେଶ କୁମାର ପଣ୍ଡା): କୋଭିଡ ଟେଷ୍ଟ କଲେନି ବୋଲି ମିଳିଲାନି ରାସନ। ଏମିତି ଅଭିଯୋଗ ଆସିଛି ଗଞ୍ଜାମ ଜିଲ୍ଲା ସୋରଡ଼ା ବ୍ଲକ୍ ଗୋପାଳପୁର ଶାସନ ପଞ୍ଚାୟତରୁ।

ଅଭିଯୋଗ ଅନୁଯାୟୀ, ଗୋପାଳପୁର ଶାସନ ଗ୍ରାମ ପଂଚାୟତରେ ରହିଛି ୧୮ ଟି ୱାର୍ଡ।୧୫ ଟି ୱାର୍ଡ ଲୋକେ ପୂର୍ବରୁ ରାସନ ସାମଗ୍ରୀ ପାଇସାରିଛନ୍ତି। ଗତକାଲି ସୋରିସବିଲି, ଲଷ୍ମୀପୁର, ଭି.କୋଟିବାଡି ଗ୍ରାମର ହିତାଧିକାରୀମାନେ ରାସନ ନେବାକୁ ପଞ୍ଚାୟତ କାର୍ଯ୍ୟାଳୟ ଯାଇଥିଲେ ।

କିନ୍ତୁ ସେଠାରେ କୋଭିଡ ଟେଷ୍ଟ ନ କଲେ ରାସନ ମିଳିବନି ବୋଲି ସେମାନଙ୍କୁ କୁହାଯାଇଥିବା ହିତାଧିକାରୀ ଅଭିଯୋଗ କରିଛନ୍ତି।

ଟୁଟୁ ପ୍ରଧାନ ଓ କୁମୁଦିନୀ ନାୟକ ନାମ୍ନୀ ୨ ହିତାଧିକାରୀ ଗଣମାଧ୍ୟମ ସମ୍ମୁଖରେ କହିଛନ୍ତି,  ସକାଳ ୬ଟାରୁ ମଧ୍ୟାହ୍ନ ୧୨ ଯାଏଁ ନଖାଇ ନପିଇ ପଞ୍ଚାୟତ ଅଫିସ୍‌ ଆଗରେ ଜଗି ରହିଲୁ। ହେଲେ ପଞ୍ଚାୟତ କାର୍ଯ୍ୟାଳୟରେ ପଡ଼ିଥିବା କୋଭିଡ କ୍ୟାମ୍ପରେ ଟେଷ୍ଟ କରାଇ ରାସନ ନେଇ ଯିବାକୁ କୁହାଯାଇଥିଲା। ଶେଷରେ ମାତ୍ର ୮, ୧୦ ହିତାଧିକାରୀ ଟେଷ୍ଟ କରାଇ ଚାଉଳ ନେଇଥିବା ବେଳେ ଅନ୍ୟମାନେ ନିରାଶ ହୋଇ ୬ ଘଣ୍ଟା ପରେ ଖାଲି ହାତରେ ଫେରିଯାଇଥିଲେ।

ଅନ୍ୟପକ୍ଷେ ଏନେଇ ପଞ୍ଚାୟତ ଅଧିକାରୀ ପ୍ରଶାନ୍ତ କୁମାର ବେହେରାଙ୍କୁ ପଚାରିବାରୁ କୋଭିଡ୍‌ ଟେଷ୍ଟ କଲେ ଚାଉଳ ମିଳିବ ବୋଲି କିଛି ନିୟମ କରାଯାଇନାହିଁ। ସ୍ୱଇଚ୍ଛାରେ ଟେଷ୍ଟ କରାଇବାକୁ ଚାହୁଁଥିବା ଲୋକେ ନିଜ ଟେଷ୍ଟ କରାଇପାରିବେ। କିନ୍ତୁ ଟେଷ୍ଟ କରି ନିଜେ ସୁରକ୍ଷିତ ରହିବା ସହ ପରିବାରକୁ ସୁରକ୍ଷିତ ରଖିବାକୁ ଲୋକଙ୍କୁ ସଚେତନ କରାଯାଉଥିବା ସେ କହିଛନ୍ତି।

ଅନ୍ୟପକ୍ଷରେ ଲୋକେ ରାସନ ନପାଇବା ନେଇ ଗଞ୍ଜାମ ଜିଲ୍ଲାପାଳଙ୍କ ନିକଟରେ ଅଭିଯୋଗ ପହଞ୍ଚିବା ପରେ ସେ ଘଟଣାର ତଦନ୍ତ କରି ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଓ ହିତାଧିକାରୀଙ୍କୁ ରାସନ ଦେବାକୁ ବିଡିଓଙ୍କୁ ନିର୍ଦ୍ଦେଶ ଦେଇଥିବା ଜଣାପଡ଼ିଛି।

ଆହୁରି ପଢ଼ନ୍ତୁ

‘ରାଜଧାନୀର ଧାରଣା ସ୍ଥଳରେ କଡ଼ାକଡ଼ି ହେବ କୋଭିଡ୍‌ ନିୟମ’

ଲଦାଖରେ ମୁତୟନ ହେଲା ଟ୍ୟାଙ୍କ, ବିଯୁକ୍ତ ୪୦ ଡିଗ୍ରୀରେ ବି ଦେଖାଇବ ପରାକ୍ରମ

ସଞ୍ଜୟ-ଫଡନାଭିସ ବୈଠକ ପଛର ଉଦ୍ଦେଶ୍ୟ ‘ସାମ୍ନା’କୁ ସାକ୍ଷାତକାର ନୁହେଁ!

ବଢ଼ୁଛି କରୋନା ସଂକ୍ରମଣ, ବିଡି ଓ ସିଗାରେଟ୍ ଉପରେ ରୋକ୍ ଲଗାଇଲେ ସରକାର

ରାଜନୀତିକ ପରିସ୍ଥିତି ପାଇଁ ଏନଡିଏ ଛାଡ଼ିଛି ଶିରୋମଣି ଅକାଳି ଦଳ: ଅମରିନ୍ଦର

ଗ୍ୟାସ ସିଲିଣ୍ଡରରେ ନିଆଁ ଲାଗି ଗୋଟିଏ ପରିବାରର ୬ ଗୁରୁତର

ମୋଦି ସରକାରଙ୍କୁ ଜବରଦସ୍ତ ଝଟକା: କୃଷି ବିଲକୁ ବିରୋଧ କରି ଏନଡିଏ ଛାଡ଼ିଲା ଅକାଳି ଦଳ

ଅକ୍ଟୋବର ୧ରୁ ଖୋଲିବ ଯାତ୍ରା ପେଣ୍ଡାଲ ଓ ସିନେମା ହଲ୍‌

ଫଡନାଭିସଙ୍କୁ ହଠାତ୍‌ ଗୁପ୍ତ ଭାବେ ଭେଟିଲେ ସଞ୍ଜୟ ରାଉତ, ଜାଣନ୍ତୁ କାରଣ କ’ଣ

୨୮ରୁ ପିଲାଙ୍କ ପାଇଁ ‘ରେଡିଓ ପାଠଶାଳା’, ବିରୋଧୀ ଉଠାଇଲେ ପ୍ରଶ୍ନ

କଟକରେ ନକଲି ସସ୍ କାରଖାନା

ରେକର୍ଡ଼ ସଂଖ୍ୟକ କରୋନା ଆକ୍ରାନ୍ତ ସୁସ୍ଥ, ଆଗରେ ଖୋର୍ଦ୍ଧା