ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଆହୁରି ହାଇଟେକ୍ ହେବ ପୋଲିସ ବ୍ୟବସ୍ଥା। ଥାନାବାବୁ ଲାପ୍‌ଟପ୍‌ ଧରିବେ। ଏଥିରେ ଇଣ୍ଟରନେଟ୍ ସୁବିଧା ରହିବ। ଏହାସହ ଟାବ୍ ଓ ସ୍ମାର୍ଟଫୋନ୍ ଭଳି ଯୋଗାଯୋଗର ଅତ୍ୟାଧୁନିକ ସୁବିଧା ମଧ୍ୟ ରହିବ।</p> <p>ପୋଲିସ୍ ଡିଜିଙ୍କ କ୍ୟାମ୍ପ ଅଫିସ୍‌ରେ ଅନୁଷ୍ଠିତ ସିସିଟିଏନ୍ଏସ୍ (ଅପରାଧ, ଅପରାଧୀ ନେଟ୍ଓ୍ୱାର୍କ ସିଷ୍ଟମ୍ ଏମ୍ପାଓ୍ୱାର୍ଡ କମିଟି) ବୈଠକରେ ଏହି ନିଷ୍ପତ୍ତି ନିଆଯାଇଛି। ଏହାସହ ଥାନାରୁ ଦୂରରେ ଥାଇ ବି ତଦନ୍ତକାରୀ ଅଧିକାରୀ ତଦନ୍ତ ସଂପର୍କିତ ରିପୋର୍ଟ ପ୍ରସ୍ତୁତ କରିପାରିବେ ଓ ଅପରାଧ ଏବଂ ଅପରାଧୀ ସଂପର୍କିତ ତଥ୍ୟ କିପରି ସୁବିଧାରେ ପାଇପାରିବେ ତା ଉପରେ ବୈଠକରେ ଗୁରୁତ୍ୱ ଦିଅଆଯାଇଛି।</p> <p>ଏଥିସହ ଆସନ୍ତାବର୍ଷ ଆରମ୍ଭରୁ ଥାନାରୁ ମାନୁଆଲ ରେଜିଷ୍ଟରକୁ ହଟାଇ ଦିଆଯିବ। ଷ୍ଟେସନ୍ ଡାଏରୀ ମଧ୍ୟ କମ୍ୟୁଟର ଦ୍ୱାରା କରାଯିବ।</p> <p>ସିସିଟଏନଏସ୍ ଅଧୀନରେ ସିଟିଜେନ୍ ପୋର୍ଟାଲ୍ ମାଧ୍ୟମରେ ନାଗରିକଙ୍କୁ ଯୋଗାଇଦିଆ ଯାଉଥିବା ଅନ୍‌ଲାଇନ୍‌ ଏଫ୍ଆଇଆର୍, ଅଭିଯୋଗ ପଞ୍ଜିକରଣ, ନିଖୋଜ ବ୍ୟକ୍ତି ସଂପର୍କିତ ରିପୋର୍ଟ ପଞ୍ଜିକରଣ ଭଳି ୧୩ଟି ସେବାକୁ ଅଧିକ ଲୋକାଭିମୁଖୀ କରିବାକୁ ଶୀଘ୍ର ଏକ ଆପ୍ ଆଣିବାକୁ ଯୋଜନା କରାଯାଉଛି।</p> <p>ରାଜ୍ୟରେ ଥିବା ୬୧୨ଟି ଥାନା ମଧ୍ୟରୁ ବର୍ତ୍ତମାନ ସୁଦ୍ଧା ୫୮୯ଟି ଥାନାରେ କମ୍ପୃଟରୀକରଣ କାମ ସରିଛି। ମୋରାଇନ ଥାନା ଓ ବିଦ୍ୟୁତ୍ ଥାନା ଭଳି ବାକି ୨୩ଟି ଥାନାର କମ୍ପ୍ୟୁଟରୀକରଣ ଉପରେ ଜୋର ଦିଆଯାଉଥିବା ପୋଲିସ୍‌ ବିଭାଗ ପକ୍ଷରୁ କୁହାଯାଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
