ନୂଆପଡ଼ା (ଓଡ଼ିଶା ରିପୋର୍ଟର): ଜାଲ୍ ଟିଡିଆର୍ ବଳରେ କୋଟି କୋଟି ଟଙ୍କା ହଡ଼ପ ଘଟଣାରେ ଗିରଫ ଠିକାଦାର ବଣ୍ଟି ଅଗ୍ରୱାଲଙ୍କୁ ୩ ଦିନିଆ ରିମାଣ୍ଡରେ ନେବ ନୂଆପଡା ପୋଲିସ। ଏଥିପାଇଁ ନୂଆପଡା ଏସ୍ଡିଜେଏମ୍ କୋର୍ଟ ଅନୁମତି ଦେଇଛନ୍ତି।
ବଣ୍ଟିଙ୍କ ବିରୋଧରେ ଥିବା ୪ଟି ମାମଲାକୁ ତଦନ୍ତ କରିବ କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା ଇଓଡବ୍ଲ୍ୟୁ ତଦନ୍ତ ପାଇଁ ୪ ଜଣିଆ ସ୍ୱତନ୍ତ୍ର ଟିମ୍ ଗଠନ କରିଛି। କ୍ରାଇମବ୍ରାଞ୍ଚ ଜଣେ ଡିଏସ୍ପିଙ୍କ ନେତୃତ୍ୱରେ କ୍ରାଇମବ୍ରାଞ୍ଚ ଇଓଡବ୍ଲ୍ୟୁର ଟିମ୍ ଏହି ତଦନ୍ତ କରିବ।
ଟିଡ଼ିଆର କେଳେଙ୍କାରୀର ମାଷ୍ଟର ମାଇଣ୍ଡ ବଣ୍ଟି ଅଗ୍ରଓ୍ୱାଲ୍। ତାଙ୍କ ପତ୍ନୀ ଓ ବାପାଙ୍କ ନାଁରେ ୫ଟି ଜିଲ୍ଲାରେ ୧୯ଟି ମାମଲା ରହିଛି। ସେଥିରୁ କେବଳ ବଣ୍ଟିଙ୍କ ନାଁରେ ୧୦ଟି ମାମଲା ରହିଛି। ଏହା ଭିତରୁ ୪ଟି ମାମଲା କ୍ରାଇମବ୍ରାଞ୍ଚ ଇଓଡବ୍ଲ୍ୟୁ ତଦନ୍ତ କରିବ। ଅନ୍ୟ ୧୫ଟି ମାମଲାକୁ ସ୍ୱତନ୍ତ୍ର କେସ୍ ଭାବେ ଗ୍ରହଣ କରାଯାଇ। ଏହାର ତଦନ୍ତରେ ଇଓଡବ୍ଲ୍ୟୁ ସହାୟତା କରିବ। ନୂଆପଡ଼ା ଏସ୍ପିଙ୍କ ସୂଚନା ଅନୁଯାୟୀ ଏମାନଙ୍କ ନାଁରେ ୨୫ କୋଟି ୩୬ ଲକ୍ଷ ଟଙ୍କାର ଟିଡିଆର ଠକେଇ ଅଭିଯୋଗ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
