ରିଙ୍କିଙ୍କ ଜୀବନର ସବୁ ରଙ୍ଗ ଧୋଇ ଦେଲା…

ଭୁବନେଶ୍ୱର(ଓଡ଼ିଶା ରିପୋର୍ଟର): ରଙ୍ଗ ବୋଳା ମୁହଁ, ରଙ୍ଗମଞ୍ଚ ଆଉ ରଙ୍ଗୀନ ଆଲୁଅ… ସତେକି ରିଙ୍କିଙ୍କ ଜୀବନର ସବୁ ରଙ୍ଗ ଧୋଇ ଦେଇଛି କରୋନା ସଂକଟ।  ଏବେ ରଙ୍ଗମଞ୍ଚ ଅତୀତ, ରାସ୍ତାକଡ଼ ବର୍ତ୍ତମାନ  ୪ ମାସ ତଳୁ ଯାତ୍ରା ବନ୍ଦ  ଘରେ ଏକପ୍ରକାର ଅକର୍ମଣ୍ୟ ବାପା, ପକ୍ଷାଘାତରେ ମାଆ।  ତେଣୁ ପରିବାର ଚଳାଇବାକୁ  ଭୁବନେଶ୍ୱର କଳିଙ୍ଗନଗରରେ ଛୋଟିଆ ଫଳ ଦୋକାନଟିଏ କରିଛନ୍ତି ଅଭିନେତ୍ରୀ ପ୍ରତିଭା ମହାରଣା ଓରଫ୍ ରିଙ୍କି । ଏବେ ନୂଆ ବୃତ୍ତି, ତାଙ୍କ ପାଇଁ ଠିକ୍ ଅଜଣା ସହର ଭଳି ।

ତୋର ଚକଲେଟ୍ ଖିଆ ବୟସ ଯାଇନି ଭଳି ହିଟ୍ ଆଲବମ ପରେ ମନ ଦେଇଥିଲି ମନୁ ଭାଇକୁ, କିଣିନେଲା ମନ କଳାନାଗର, ହେ ଈଶ୍ୱର କାନ୍ଦିବା ଆସ ଏବଂ ଚଳିତବର୍ଷର ଆପଣମାନେ ଖୁସି ତ ଭଳି ଲୋକପ୍ରିୟ ନାଟକ ଏସବୁ ତାଙ୍କୁ ଯଥେଷ୍ଟ ପ୍ରଶଂସା ତ ଦେଇଛି, ହେଲେ ଯଥେଷ୍ଟ ପଇସା ନୁହେଁ।କେବଳ ରିଙ୍କି ନୁହନ୍ତି, ବୃତ୍ତିକୁ ନେଇ ଅନଶ୍ଚିତତା ଦେଖାଦେବା ପରେ ଯାତ୍ରା ଜଗତର ବହୁ କଳାକାର ଓ କର୍ମଚାରୀ ଏବେ

ନିଜ ସୁଠାମ ଶରୀର ପାଇଁ ବଲିଉଡ୍‌ରେ କ୍ୟାରିୟର୍ ଗଢ଼ିବାର ସ୍ୱପ୍ନ ଦେଖୁଥିବା କାର୍ତ୍ତିକଙ୍କର ବି ସବୁ ଯୋଜନାକୁ ଓଲଟପାଲଟ କରିଦେଇଛି କରୋନା। ଅକ୍ଷୟ କୁମାର ଷ୍ଟାରର୍ ସୂର୍ଯ୍ୟବଂଶୀରେ ପୁଲିସ ଅଫିସର୍ ଏବଂ ବିଭିନ୍ନ ସିରିଆଲ୍ ଓ ୱେବ୍‌ସିରିଜରେ ଅଭିନୟର ସୁଯୋଗ ପାଇଥିବା କେନ୍ଦ୍ରାପଡା ଗରଦପୁରର କାର୍ତ୍ତିକ, କରୋନା ଲକ୍‌ଡାଉନ ଯୋଗୁଁ ସୁଟିଂ ବନ୍ଦ ହୋଇଯିବା ପରେ ଓଡ଼ିଶା ଫେରିଆସି ଭୁବନେଶ୍ୱର ପଳାଶୁଣୀ ହାଟରେ ପିଆଜ ବିକୁଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।