ଭୁବନେଶ୍ୱର(ଓଡ଼ିଶା ରିପୋର୍ଟର): ରଙ୍ଗ ବୋଳା ମୁହଁ, ରଙ୍ଗମଞ୍ଚ ଆଉ ରଙ୍ଗୀନ ଆଲୁଅ... ସତେକି ରିଙ୍କିଙ୍କ ଜୀବନର ସବୁ ରଙ୍ଗ ଧୋଇ ଦେଇଛି କରୋନା ସଂକଟ। ଏବେ ରଙ୍ଗମଞ୍ଚ ଅତୀତ, ରାସ୍ତାକଡ଼ ବର୍ତ୍ତମାନ ୪ ମାସ ତଳୁ ଯାତ୍ରା ବନ୍ଦ ଘରେ ଏକପ୍ରକାର ଅକର୍ମଣ୍ୟ ବାପା, ପକ୍ଷାଘାତରେ ମାଆ। ତେଣୁ ପରିବାର ଚଳାଇବାକୁ ଭୁବନେଶ୍ୱର କଳିଙ୍ଗନଗରରେ ଛୋଟିଆ ଫଳ ଦୋକାନଟିଏ କରିଛନ୍ତି ଅଭିନେତ୍ରୀ ପ୍ରତିଭା ମହାରଣା ଓରଫ୍ ରିଙ୍କି । ଏବେ ନୂଆ ବୃତ୍ତି, ତାଙ୍କ ପାଇଁ ଠିକ୍ ଅଜଣା ସହର ଭଳି ।
ନିଜ ସୁଠାମ ଶରୀର ପାଇଁ ବଲିଉଡ୍ରେ କ୍ୟାରିୟର୍ ଗଢ଼ିବାର ସ୍ୱପ୍ନ ଦେଖୁଥିବା କାର୍ତ୍ତିକଙ୍କର ବି ସବୁ ଯୋଜନାକୁ ଓଲଟପାଲଟ କରିଦେଇଛି କରୋନା। ଅକ୍ଷୟ କୁମାର ଷ୍ଟାରର୍ ସୂର୍ଯ୍ୟବଂଶୀରେ ପୁଲିସ ଅଫିସର୍ ଏବଂ ବିଭିନ୍ନ ସିରିଆଲ୍ ଓ ୱେବ୍ସିରିଜରେ ଅଭିନୟର ସୁଯୋଗ ପାଇଥିବା କେନ୍ଦ୍ରାପଡା ଗରଦପୁରର କାର୍ତ୍ତିକ, କରୋନା ଲକ୍ଡାଉନ ଯୋଗୁଁ ସୁଟିଂ ବନ୍ଦ ହୋଇଯିବା ପରେ ଓଡ଼ିଶା ଫେରିଆସି ଭୁବନେଶ୍ୱର ପଳାଶୁଣୀ ହାଟରେ ପିଆଜ ବିକୁଛନ୍ତି।