ଭୁବନେଶ୍ୱର(ଓଡ଼ିଶା ରିପୋର୍ଟର): ବାୟୁସେନାର AN-32 ବିମାନ ସହିତ ଜଣେ ଓଡ଼ିଆ ଅଫିସର ନିଖୋଜ ହୋଇଯାଇଛନ୍ତି। ସେହି ଓଡ଼ିଆ ଅଫିସର ଜଣକ ହେଲେ ଗଞ୍ଜାମ ଜିଲ୍ଲାର ସୁନିତ ମହାନ୍ତି। ଫ୍ଲାଇଟ୍ ଲେପ୍ଟନାଣ୍ଟ ସୁନିତ ମହାନ୍ତି AN-32 ବିମାନରେ ଥିଲେ। ତାଙ୍କ ଘର ଗଞ୍ଜାମ ଜିଲ୍ଲା କବିସୂର୍ଯ୍ୟନଗରର ବଲିଆପଲ୍ଲୀରେ ବୋଲି ଜଣାପଡ଼ିଛି।
ଆସାମ ଜୋରହାଟ୍ରେ ସେ କାର୍ଯ୍ୟରତ ଥିଲେ। ଘଟଣା ପରଠୁ AN-32 କିମ୍ବା ସୁନିତଙ୍କ ସମ୍ପର୍କରେ କୌଣସି ସୂଚନା ମିଳିପାରିନି। ଗତ ତିନି ତାରିଖରେ AN-32 ବିମାନ ୧୩ ଜଣଙ୍କୁ ନେଇ ଆସାମର ଜୋରହାଟରୁ ଉଡ଼ାଣ ଆରମ୍ଭ କରିଥିଲା। ଅରୁଣାଚଳର ମେନଚୁକା ଏୟାର ଫିଲ୍ଡରେ ଅବତରଣ କରିବା ପୂର୍ବରୁ ଏହା ନିଖୋଜ ହୋଇଯାଇଥିଲା। ବିମାନକୁ ଖୋଜିବା ପାଇଁ ବାୟୁସେନା ସମେତ ସ୍ଥଳ ସେନା ଅପରେସନ ଜାରି ରଖିଛନ୍ତି। ସାଟେଲାଇଟର ମଧ୍ୟ ସାହାଯ୍ୟ ନିଆଯାଉଛି।