ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟ ସରକାର ନିଜର ଷ୍ଟକ୍ ବିକ୍ରି କରି ପୁଣି ୫ ଶହ କୋଟି ଟଙ୍କା ଋଣ ଆଣିବା ପାଇଁ ନିଷ୍ପତ୍ତି ନେଇଛନ୍ତି। ରାଜ୍ୟ ଅର୍ଥ ବିଭାଗ ପକ୍ଷରୁ ଜାରି ବିଜ୍ଞପ୍ତି ଅନୁସାରେ ରିଜର୍ଭ ବ୍ୟାଙ୍କ ମାଧ୍ୟମରେ ରାଜ୍ୟ ସରକାର ଏହି ଋଣ ଆଣିବେ। ଅକ୍ଟୋବର ୧୬ତାରିଖରେ ଏହି ଷ୍ଟକ୍ ବିକ୍ରିର ନିଲାମୀ ହେବ। ୫ବର୍ଷ ଅବଧି ପାଇଁ ରାଜ୍ୟ ସରକାର ଏହି ଋଣ ଆଣିବେ ଓ ୨୦୨୪ ମସିହାରେ ପରିଶୋଧ କରିବେ ବୋଲି ବିଜ୍ଞପ୍ତିରୁ ଜଣାପଡ଼ିଛି।
୨୦୧୯-୨୦ ଆର୍ଥିକ ବର୍ଷରେ ରାଜ୍ୟ ସରକାର ତୃତୀୟ ଥର ପାଇଁ ଋଣ ଆଣିଛନ୍ତି। ଚଳିତ ଆର୍ଥିକ ବର୍ଷରେ ସରକାର ପ୍ରାୟ ୨୩ହଜାର କୋଟି ଟଙ୍କା ଋଣ ଆଣିବାକୁ ଲକ୍ଷ୍ୟ ଧାର୍ଯ୍ୟ କରିଛନ୍ତି। ୨୦୧୯ ମେ’ ମାସ ସୁଦ୍ଧ ରାଜ୍ୟର ମୋଟ ଋଣଭାର ୮୨,୫୭୦କୋଟି ଟଙ୍କା ଥିବାବେଳେ ଏହା ଚଳିତ ଆର୍ଥିକ ବର୍ଷ ଶେଷସୁଦ୍ଧା ୧ଲକ୍ଷ ୬ହଜାର କୋଟି ଟଙ୍କା ଛୁଇଁବ ବୋଲି ଆକଳନ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
