ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ମରୁଡି ଓ ଚକଡା କ୍ଷତିଗ୍ରସ୍ତ ଚାଷୀଙ୍କୁ ଇନପୁଟ୍ ସବିସିଡି ମିଳିବା ପ୍ରକ୍ରିୟା ଆରମ୍ଭ ହୋଇଛି। ଆଜି ଏହି ସୂଚନା ଦେଇଛନ୍ତି ସ୍ୱତନ୍ତ୍ର ରିଲଫ କମିଶନର ବିଷ୍ଣୁପଦ ସେଠୀ। ପ୍ରସ୍ତୁତ ହୋଇଥିବା ଗାଇଡଲାଇନ ଆଧାରରେ ୭ ଦିନ ମଧ୍ୟରେ ଚାଷୀଙ୍କୁ କ୍ଷତିପୂରଣ ଟଙ୍କା ଦେବାକୁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି ବୋଲି ସେ କହିଛନ୍ତି।</p> <p>ସେ କହିଛନ୍ତି, ଷ୍ଟେଟ ଡିଜାଷ୍ଟର ରିଲିଫ୍ ଫଣ୍ଡରେ ଥିବା ଟଙ୍କା କ୍ଷତିପୂରଣ ବାବଦକୁ ଦିଆଯିବ। କେନ୍ଦ୍ରକୁ ଆଉ ଅଧିକ ଟଙ୍କା ମଗାଯିବନି।</p> <p>ସେ ଆହୁରି କହିଛନ୍ତି- ଏସ୍‌ଡିଆରଏଫ୍‌ ଓ ଏନ୍‌ଡିଆରଏଫ୍‌ର କିଛି ନିୟମକୁ ସଂଶୋଧନ କରିବାକୁ ରାଜ୍ୟ ସରକାର କେନ୍ଦ୍ରକୁ ଜଣାଇଛନ୍ତି। ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ ଏ ନେଇ ଗୃହ ବିଭାଗକୁ ଚିଠି ଲେଖିଛନ୍ତି। ଜଳସେଚିତ ଓ ଅଣଜଳସେଚିତ ଜମି ପାଇଁ ଫସଲ ନଷ୍ଟ ହେଲେ ମିଳୁଥିବା ୧୩ ହଜାର ୫୦୦ ଓ ୬ ହଜାର ୮୦୦ ଟଙ୍କାକୁ ୫୦ ପ୍ରତିଶତ ବଢାଯିବାକୁ ଏଥିରେ ଦାବି କରାଯାଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।