ଯାଜପୁର (ଗୁଲାମ ଗସ୍): ସ୍କୁଟିରେ ଯାଉଥିଲେ ଦୁଇ ଭଉଣୀ। ଭାରସାମ୍ୟ ହରାଇ ହଠାତ୍ ଟ୍ରକ୍ ପଛକୁ ଧକ୍କା ଦେଲା ସ୍କୁଟି। ଫଳରେ ଘଟଣାସ୍ଥଳରେ ଚାଲିଗଲା ସାନ ଭଉଣୀର ଜୀବନ। ବଡ଼ ଭଉଣୀକୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି। ଏଭଳି ଏକ ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ୧୬ନଂ ଜାତୀୟ ରାଜପଥର ରଥିଆ ଛକ ନିକଟରେ।
ମୃତକ ଜଣକ ହେଉଛନ୍ତି ନେଉଳପୁର ଗ୍ରାମର ସନ୍ତୋଷ ବେହେରାଙ୍କ ଝିଅ ଶ୍ୱେତା ବେହେରା। ମୃତା ଶ୍ୱେତାଙ୍କ ବଡଭଉଣୀ ସଙ୍ଗୀତା ବେହେରା ବୋଲି ଜଣାପଡିଛି। ଉଭୟ ଆଜି ସକାଳୁ ସ୍କୁଟି ଯୋଗେ ଜାରକା ଅଭିମୁଖେ ଆସୁଥିବା ବେଳେ ଭାରସାମ୍ୟ ହରାଇ ରାଜପଥ ପାଶ୍ୱର୍ରେ ଛିଡା ହୋଇଥିବା ଏକ ଟ୍ରକ ପଛପଟେ ପିଟି ହୋଇଥିଲେ। ଖବର ପାଇ ଧର୍ମଶାଳା ପୁଲିସ ମୃତଦେହକୁ ଜବତ କରିବା ସହ ଆହତଙ୍କୁ ଧର୍ମଶାଳା ମେଡିକାଲରେ ଭର୍ତ୍ତି କରି ତଦନ୍ତ ଚଳାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
