ପିଆଜ ଦର ବୋଲ ମାନୁନି, ଲଣ୍ଠନ ଦେଖାଉଛନ୍ତି ସୂର୍ଯ୍ୟ!

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପିଆଜ ଦର ୪୫ ଟପିଲାଣି। ଆଗକୁ ଆହୁରି ବଢ଼ିପାରେ। ଏହା ଶୁଣି ଖାଉଟିଙ୍କ ନିଦ ହଜିଯାଇଥିବା ବେଳେ ଯୋଗାଣମନ୍ତ୍ରୀ ବିଭ୍ରାନ୍ତିକର ମନ୍ତବ୍ୟ ଦେବାରେ ଲାଗିଛନ୍ତି। କେତେବେଳେ କହୁଛନ୍ତି ରାଜ୍ୟ ବାହାରୁ ପିଆଜ ଆସିଛି ତ କେତେବେଳେ କହୁଛନ୍ତି ଦର ନିୟନ୍ତ୍ରଣ ଲାଗି ବ୍ୟବସ୍ଥା ହେଉଛି। ହେଲେ ବାସ୍ତବତା ହେଉଛି କିଲ ୪୫! ଯାହାକୁ ଦେଖି ସାଧାରଣ ଗ୍ରାହକ କହିଲେଣି ସରକାର ପିଆଜ ଦରରେ ଲଗାମ୍&zwnj; ଲଗାବାକୁ ଅସମର୍ଥ ହେଉଥିବା ବେଳେ ସୂର୍ଯ୍ୟ ଲଣ୍ଠନ ଦେଖାଇବାରେ ଲାଗିଛନ୍ତି ।</p><p>ପୂର୍ବ ପରି ଆଉ କିଲୋ କିଲୋ ପିଆଜ ନେଉନାହାନ୍ତି ଖାଉଟି। ବହୁ କଷ୍ଟରେ ୨୫୦ ବା ଅତିବେଶୀରେ ୫୦୦ ଗ୍ରାମ ପିଆଜରେ ଘରଣୀଙ୍କୁ ସନ୍ତୁଷ୍ଟ କରୁଛନ୍ତି। ଏହା ସତ୍ତ୍ୱେ ସରକାରଙ୍କର ନିଦ ଭାଙ୍ଗୁନି। ବାରମ୍ବାର ବିଭ୍ରାନ୍ତିକର ମନ୍ତବ୍ୟ ଦେଇ ଶେଷରେ ଗୁରୁବାର ଆଉ ଏକ କାହାଣି କହିଛନ୍ତି ସୂର୍ଯ୍ୟ। ଇ-ଟେଣ୍ଡର ମାଧ୍ୟମରେ ରାଜ୍ୟ ବାହାରୁ ପିଆଜ ଆମଦାନୀ କରାଯିବ। ଗତ ୩ ମାସ ଭିତରେ ଯୋଗାଣମନ୍ତ୍ରୀଙ୍କ ଏଭଳି&nbsp; ମନ୍ତବ୍ୟ ସତ୍ତ୍ୱେ ବୋଲ ମାନୁନି ପିଆଜ ଦର। ଯେଉଁ ପିଆଜ ୧୦ରୁ ୧୫ ଟଙ୍କାରେ ବିକ୍ରି ହେଉଥିଲା, ସେହି ପିଆଜ ଆଜି କିଲୋ ପ୍ରତି ୪୫ରେ ବିକ୍ରି ହେଉଛି। ତେବେ ଆଜିର ଘୋଷଣା କେତେଦୂର ଫଳପ୍ରଦ ହେଉଛି ତାହା ଦେଖିବାକୁ ରହିଲା।</p><p>ଏଣେ ପିଆଜ ଦର ଆହୁରି ବଢ଼ିବାର ଆଶଙ୍କା କରିଛନ୍ତି ରାଜ୍ୟର ବ୍ୟବସାୟୀ। ଛତ୍ର ବଜାର ବ୍ୟବସାୟୀ ସଂଘ କହିଛି, ମହାରାଷ୍ଟ୍ରର ନାସିକରେ ଆଜି ପାଇକାରୀ ଦରରେ କିଲୋ ପିଛା ୪୨ରୁ ୪୫ଟଙ୍କାରେ ବିକ୍ରି ହୋଇଛି। ପିଆଜ ଆମଦାନୀ ବି ସେହି ପରିମାଣରେ ଆଉ ହୋଇପାରୁନି। ତେଣୁ ସରକାର ଏଥିପ୍ରତି ଯଦି ତତ୍ପର ନ ହୁଅନ୍ତି, ଆସନ୍ତା ସପ୍ତାହେ ଭିତରେ ପିଆଜ କିଲୋ ୫୦ ଟପିବ।</p><p>&lt;span style=&quot;color: #ff0000;&quot;&gt;&lt;strong&gt;ପୂର୍ବରୁ କ&rsquo;ଣ କହିଥିଲେ ସୂର୍ଯ୍ୟ&lt;/strong&gt;&lt;/span&gt;</p><p>&lt;span style=&quot;color: #ff0000;&quot;&gt;ଅଗଷ୍ଟ ୨&lt;/span&gt; -&ldquo;ପିଆଜ ଅଭାବ ଦୂର ପାଇଁ ବ୍ୟବସ୍ଥା କରାଯାଉଛି। ୧୫ରୁ ୧୬ ଟଙ୍କାରେ ପିଆଜ ବିକ୍ରି କରିବା ପାଇଁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି। ପିଆଜ ଗୋଦାମରେ ଚଢ଼ାଉ କରାଯାଇଛି।&rdquo;</p><p>&lt;span style=&quot;color: #ff0000;&quot;&gt;ଅଗଷ୍ଟ ୧୪&lt;/span&gt; -&ldquo;ଆନ୍ଧ୍ରପ୍ରବେଶରୁ ୧୫ ଟ୍ରକ୍&zwnj; ପିଆଜ ଓ ମହାରାଷ୍ଟ୍ରରୁ ୧୦ ଟ୍ରକ୍&zwnj; ପିଆଜ ଆସିଛି।&rdquo;</p><p>&lt;span style=&quot;color: #ff0000;&quot;&gt;ଆଜି(୨୩ ନେଭେମ୍ବର)&lt;/span&gt; -&ldquo;ଯେଉଁ ଅଞ୍ଚଳରେ ଯାହା ଉପାର୍ଜନ ହେଉଛି, ସେସବୁ ଇ-ମାର୍କେଟିଂ ଜରିଆରେ ଟେଣ୍ଡର ହେବ। ସବୁଠାରୁ ଅଧିକ ଦର ଯିଏ ଡାକିବେ, ସିଏ କିଣିବ। ଏହି ଇ-ଟେଣ୍ଡର ମାଧ୍ୟମରେ ପିଆଜ କିଣାଯିବ।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।