ଝାରସୁଗୁଡ଼ା ବିମାନ ବନ୍ଦର ପାଇଁ ଦୁବାଇରେ ଉତ୍ସବ

ଭୁବନେଶ୍ୱର (ଓଡ଼ିଶା ରିପୋର୍ଟର): ଝାରସୁଗୁଡ଼ାରେ ବିମାନବନ୍ଦର ଉଦ୍‌ଘାଟନ୍ ଖବର ଦୁବାଇକୁ ଆନନ୍ଦିତ କରିଛି। ଝାରସୁଗୁଡ଼ା ଠାରେ ବିମାନବନ୍ଦରର ଶୁଭାରମ୍ଭକୁ ୟୁଏଇର ଦୁବାଇ ଠାରେ ରହୁଥିବା ପ୍ରବାସୀ ପଶ୍ଚିମ ଓଡ଼ିଶାର ଅଧିବାସୀ ସ୍ୱାଗତ କରିଛନ୍ତି। ଏନେଇ ଦୁବାଇର ବୁର୍ଜ ଖଲିଫା ଠାରେ ପ୍ରବାସୀ ପଶ୍ଚିମ ଓଡ଼ିଶାବାସି ଏକ ଉତ୍ସବର ଆୟୋଜନ କରିଥିଲେ। ଏହିପରିପ୍ରକ୍ଷୀରେ ସେମାନେ ଖୁସି ମନାଇବା ସହ  ସମ୍ବଲପୁରୀ ହସ୍ତତନ୍ତ ପରିଧାନ କରି କେକ୍ କାଟିଥିଲେ। ଏହି ବିମାନ ବନ୍ଦର ଦ୍ୱାରା ପଶ୍ଚିମ ଓଡ଼ିଶା ସମଗ୍ର ବିଶ୍ୱ ସହଯୋଡ଼ି ହୋଇପାରିବ ବୋଲି ସମ୍ବଲପୁର ସହର ବାସିନ୍ଦା ତଥା ଏକ ବହୁରାଷ୍ଟ୍ରୀୟ କମ୍ପାନୀର ଜିଏମ ପ୍ରିୟଦର୍ଶୀ ପାଣିଗ୍ରାହୀ  କହିଛନ୍ତି।

ଦୁବାଇରେ ଅବସ୍ଥାପିତ ବରଗଡ଼ ଜିଲ୍ଲା ବାସିନ୍ଦା ତଥା ଏକ ଅଗ୍ରଣୀ ପ୍ରବନ୍ଧନ ଶିକ୍ଷାନୁଷ୍ଠାନର ଜିଏମ ରାଜେଶ ତ୍ରିପାଠୀ କହିଛନ୍ତି ଯେ, ଯୋଗାଯୋଗ କ୍ଷେତ୍ରରେ ଏହା ଏକ ମାଇଲ ଖୁଣ୍ଟ ହୋଇ ରହିଯିବ।

ଦୁବାଇରେ ରହୁଥିବା ମାନସ ପଣ୍ଡା କହିଛନ୍ତି ଯେ, ନୂଆ ବିମାନବନ୍ଦର ଅଞ୍ଚଳର ବିକାଶ ଧାରାକୁ ତ୍ୱରାନ୍ୱିତ କରିବ।  ରଜତ ରଥ କହିଛନ୍ତି ଯେ, ଝାରସୁଗୁଡ଼ା ବିମାନବନ୍ଦର ବହୁଦିନର ଆଶା ଥିଲା । ଯାହା ଏବେ ପୂରଣ ହୋଇପାରିଛି। ସମ୍ବଲପୁର ଜିଲ୍ଲା କୁଚିଣ୍ଡା ନିବାସୀ ଓ ଦୁବାଇରେ ରହୁଥିବା ଏକ ନିର୍ମାଣ କମ୍ପାନୀର ନିର୍ବାହୀ ଶୁଭେନ୍ଦ୍ର ନାୟକ ଗତ ୧୨ ବର୍ଷ ହେଲା

ଏହି ପ୍ରକଳ୍ପର କାର୍ଯ୍ୟକାରିତାକୁ ସେ ଅପେକ୍ଷା କରିଥିଲେ ବୋଲି କହିଛନ୍ତି। ଯେଉଁ ସ୍ୱପ୍ନ ଏବେ ପୂରଣ ହୋଇପାରିଛି। ସମ୍ବଲପୁର ଜିଲ୍ଲା ବାସିନ୍ଦା ତଥା ପରିବେଶବିତ୍‌ ଆଲୋକମୟ ବେହେରା କହିଛନ୍ତି ଯେ, ଝାରସୁଗୁଡ଼ା ବିମାନ ବନ୍ଦର ସମ୍ବଲପୁର ଅଞ୍ଚଳରେ ଥିବା ଆଇଆଇଏମ, ଭିଏସଏସୟୁଟି ଭଳି ଉଚ୍ଚତର ଶିକ୍ଷାନୁଷ୍ଠାନମାନଙ୍କୁ କ୍ୟାମ୍ପସ ନିଯୁକ୍ତି ପାଇଁ ଏଣିକି ବିଶ୍ୱସ୍ତରୀୟ ସଂସ୍ଥାମାନେ ଆସିପାରିବେ।

ଆହୁରି ପଢ଼ନ୍ତୁ

ବୁଣାକାରଙ୍କ ପାଇଁ ବାର୍ତ୍ତାଟିଏ ଦେବାକୁ ଭୁଲିଗଲେ ସରକାର!

ଆଇପିଏସ୍ ଅମ୍ରିତ ମୋହନ ଓ ରଣପିସେଙ୍କୁ କେନ୍ଦ୍ରରେ ନୂଆ ଦାୟିତ୍ୱ

ସୁସ୍ଥ ହେଲେ ରେକର୍ଡ଼ ସଂଖ୍ୟକ କରୋନା ଆକ୍ରାନ୍ତ, କେଉଁ ଜିଲ୍ଲାରୁ ଅଧିକ ପଢ଼ନ୍ତୁ?

କରୋନା ଲଢ଼େଇରେ ଜୀବନ ହରାଇଥିବା ଶିକ୍ଷକଙ୍କ ପରିବାରକୁ କେବେ ମିଳିବ ସହାୟତା?

ଶପିଂ କରି ପେମେଣ୍ଟ କଲେନି, କହିଲେ- ରେପ୍‌ କେସ୍‌ରେ ଫସାଇ ଦେବି!

ଭୁବନେଶ୍ୱରରୁ ୧୦୧ କରୋନା ଆକ୍ରାନ୍ତ ଚିହ୍ନଟ, ୪୯ ଲୋକାଲ୍‌ କେସ

ବେହେରା ସାହିରୁ ଆଉ ୩୮ କରୋନା ଆକ୍ରାନ୍ତ ଚିହ୍ନଟ, ଚିନ୍ତାରେ ସିଏମ୍‌ସି

କରୋନା ପରେ ଅଜଣା ରୋଗ ନେଉଛି ଜୀବନ, ୩ ଦିନରେ ଗଡ଼ିଲାଣି ୪ ମୁଣ୍ଡ

ନୂଆଖାଇ ପାଇଁ ଶଟ୍‌ଡାଉନ୍‌ ଘୁଞ୍ଚାଇବାକୁ ମୁଖ୍ୟମନ୍ତ୍ରୀଙ୍କୁ ଚିଠି

ସେପ୍ଟେମ୍ବରରେ କରୋନାର ଖେଳ ଶେଷ!

୯ରୁ ୧୧ ଯାଏ ବର୍ଷା; ୧୨ରୁ ଶୁଖିଲା

ନରସିଂହପୁର ଟାଉନ ଶଟ୍‌ଡାଉନ୍‌