ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: କୁନ୍ଦୁଲି ଗଣଦୁଷ୍କର୍ମ ମାମଲାରେ ପୀଡିତାଙ୍କୁ ୫୦ ହଜାର ଟଙ୍କାର ସହାୟତାରାଶି ଦେବାକୁ ଏସ୍‌ସି/ଏସ୍‌ଟି ସଚିବଙ୍କୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ମାନବାଧିକାର କମିଶନ(ଓଏଚ୍‌ଆର୍‌ସି)। ଏଥିସହ ତାଙ୍କୁ କୁନ୍ଦୁଲି ଏକଲବ୍ୟ ସ୍କୁଲରେ ପାଠ ପଢ଼ାଇବା ଲାଗି ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି । ଓଏଚ୍‌ଆରସି ଆସନ୍ତା ୨୭ତାରିଖରେ ମାମଲାର ପରବର୍ତ୍ତୀ ଶୁଣାଣି କରିବ। ୪ସପ୍ତାହ ଭିତରେ ତଦନ୍ତର ଅଗ୍ରଗତି ସମ୍ପର୍କରେ ତଥ୍ୟ ଦେବାକୁ କ୍ରାଇମବ୍ରାଞ୍ଚକୁ କମିଶନ ନିର୍ଦ୍ଦେଶ ଦେଇଛନ୍ତି ।</p> <p>ଅନ୍ୟପକ୍ଷରେ ଶୁକ୍ରବାର ରାଜ୍ୟ ମାନବାଧିକାର କମିଶନଙ୍କ ନିକଟରେ ହାଜର ହୋଇଥିଲେ କୋରାପୁଟ ମେଡିକାଲ କଲେଜ ଅଧୀକ୍ଷକ ଡାକ୍ତର ସୀତାରାମ ମହାପାତ୍ର । ସେ ପୀଡିତାଙ୍କ ଚିକିତ୍ସା ସମ୍ପର୍କିତ କାଗଜପତ୍ର ଏବଂ ବେଡ୍‌ ଟିକଟ ଦାଖଲ କରିଛନ୍ତି । ପୂର୍ବରୁ ସେ ପୀଡ଼ିତାଙ୍କ ଡାକ୍ତରୀ ମାଇନା ରିପୋର୍ଟ ଦାଖଲ କରିଥିଲେ। ଅନ୍ୟପଟେ ପୀଡିତାଙ୍କୁ ଦୁଷ୍କର୍ମ ହୋଇଛି କି ନାହିଁ ସେହି ପ୍ରସଙ୍ଗରେ ସେ ମୁହଁ ଖୋଲି ନ ଥିଲେ।</p> <p>ସେପଟେ କ୍ରାଇମବ୍ରାଞ୍ଚ ପୁଣି ଘଟଣାର ତଦନ୍ତ ଆରମ୍ଭ କରିଛି । ଆଜି ସକାଳେ କ୍ରାଇମବ୍ରାଞ୍ଚ ଟିମ୍ ପୀଡିତାଙ୍କୁ ସେ ରହୁଥିବା ଡୁମୁରିପୁଟ ଶର୍ଟ ଷ୍ଟେ ହୋମରେ ଭେଟି ଆଲୋଚନା କରିଥିଲେ ଏହାପରେ ଘଟଣାସ୍ଥଳକୁ ଯାଇ ସେଠାରେ ତଦନ୍ତ କରିଥିଲେ । ସୁନାବେଡା ଓ ସେମିଳିଗୁଡା ଥାନା ଅଧିକାରୀ ଏହି ତଦନ୍ତ ପ୍ରକ୍ତିୟାରେ ସହାୟତା କରିଥିଲେ । ଟିମ୍‌ ପୀଡିତଙ୍କ ସମ୍ପର୍କୀୟଙ୍କୁ ମଧ୍ୟ ଭେଟିଥିଲେ । କ୍ରାଇମବ୍ରାଞ୍ଚ ଟିମ ଡାକ୍ତରଖାନା ଏବଂ ପୀଡିତାଙ୍କ ଗାଁକୁ ଯାଇ ମଧ୍ୟ ପଚରାଉଚରା କରିବେ ବୋଲି ସୂଚନା ମିଳିଛି ।</p> <p>&nbsp;</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
