ଏଣିକି ରାଜ୍ୟ ସରକାରୀ କର୍ମଚାରୀଙ୍କୁ ମିଳିବ ଅବସରକାଳୀନ ଗ୍ରାଚୁଇଟି, ୨୦୦୫ ପରେ ଚାକିରି ପାଇଥିବା ବ୍ୟକ୍ତି ପାଇବେ ସୁବିଧା

<p>ଭୁବନେଶ୍ୱର: ସରକାରୀ କର୍ମଚାରୀଙ୍କ ପାଇଁ ଖୁସି ଖବର। ସପ୍ତମ ବେତନ କମିଶନ୍ ଲାଗୁ ପରେ ନିଜ କର୍ମଚାରୀଙ୍କ ସନ୍ତୁଷ୍ଟ କରିବା ଲାଗି&nbsp; ରାଜ୍ୟ ସରକାରଙ୍କର ଆଉ ଏକ ପଦକ୍ଷେପ ନେଇଛନ୍ତି। ଏଣିକି ରାଜ୍ୟ ସରକାରୀ କର୍ମଚାରୀଙ୍କୁ ମିଳିବ ଅବସର ଓ ମୃତ୍ୟୁକାଳୀନ ଗ୍ରାଚୁଇଟି।&nbsp; ରାଜ୍ୟ ସରକାର ଏନେଇ ନୀତିଗତ ନିଷ୍ପତ୍ତି ନେଇଛନ୍ତି। ଏହାଦ୍ୱାରା ୧ଲକ୍ଷରୁ ଅଧିକ କର୍ମଚାରୀ ଉପକୃତ ହେବେ। &nbsp;୨୦୦୫ ପରେ ସରକାରୀ ଚାକିରି ପାଇଥିବା ସମସ୍ତଙ୍କୁ ଏହି ସୁବିଧା ମିଳିବ।&nbsp; ସରକାରଙ୍କ ଏହି ନିଷ୍ପତ୍ତି ଦ୍ୱାରା ୧ଲକ୍ଷରୁ ଅଧିକ ବେତନଭୋଗି ଉପକୃତ ହେବେ।</p> <p>ସପ୍ତମ ବେତନ କମିଶନ ଲାଗୁ ହେବା ସହ ସରକାରୀ କର୍ମଚାରୀଙ୍କୁ ଅନ୍ୟ ସୁବିଧା ଦେଇ ବିଜେଡି ନିଜ ଭୋଟ ବ୍ୟାଙ୍କ ମଜଭୁତ କରିବାକୁ ଉଦ୍ୟମ କରୁଥିବା ଚର୍ଚ୍ଚା ହେଉଛି।&nbsp; ସେପଟେ ଏହା କେବଳ ନର୍ବାଚନ ପାଇଁ ବୋଲି ଅଭିଯୋଗ କରିଛନ୍ତି ବିରୋଧୀ ।</p> <p>ସୂଚନାଯୋଗ୍ୟ, ସାଧାରଣତଃ ରେଗୁଲାର୍ କର୍ମଚାରୀ ଅବସର ପରେ ଗ୍ରାଚୁଇଟି ବାବଦକୁ ସାଢେ ୧୬ ମାସର ଦରମା ଓ ଅନ ୟୁଟିଲାଇଜଡ୍ ଲିଭ୍ ବାବଦକୁ ୧୦ ମାସର ଦରମା ଟଙ୍କା ପାଇଥାନ୍ତି। ୨୦୦୫ ପରେ ଚାକିରି ପାଇଥିବା କର୍ମଚାରୀଙ୍କୁ ଏହି ସୁବିଧା ମିଳୁ ନ ଥିଲା ମାତ୍ର କେନ୍ଦ୍ର ସରକାର ନିଜ କର୍ମଚାରୀଙ୍କ ଲାଗି ଗ୍ରାଚୁଇଟି ବ୍ୟବସ୍ଥା କରିବା ପରେ ରାଜ୍ୟ ସରକାର ମଧ୍ୟ ଅନୁରୂପ ବ୍ୟବସ୍ଥା ଲାଗୁ କରିଛନ୍ତି।</p> <p>ସରକାରୀ ଚାକିରିଆ ଏକ ବଡ଼ ଭୋଟ ବ୍ୟାଙ୍କ ହୋଇଥିବାରୁ ବିଜେଡି ସେମାନଙ୍କୁ ହାତ ଛଡ଼ା କରିବାକୁ ଚାହୁଁ ନ ଥିବା ଚର୍ଚ୍ଚା ହେଉଛି। ବିରୋଧୀ ମଧ୍ୟ ଏନେଇ ସରକାରଙ୍କୁ ସମାଲୋଚନା କରିଛନ୍ତି । ନିର୍ବାଚନକୁ ଆଖିରେ ରଖି ଏହା କରାଯାଇଥିବା ସେମାନେ ଅଭିଯୋଗ କରିଛନ୍ତି।</p>