ଭୁବନେଶ୍ୱର(ଓଡ଼ିଶା ରିପୋର୍ଟର): ଆରୋଗ୍ୟ ସେତୁ ସଂପର୍କରେ କମିଶନରେଟ୍ ପୁଲିସର ସତର୍କତା। ଆରୋଗ୍ୟ ସେତୁ ରାସ୍ତାରେ ପାକିସ୍ତାନୀ ସାଇବର ଅପରାଧୀମାନେ ଗୁରୁତ୍ୱପୂର୍ଣ୍ଣ ତଥ୍ୟ ଚୋରାଉଛନ୍ତି ବୋଲି କମିଶନରେଟ୍ ପୁଲିସ କହିଛି । ହ୍ୱାଟ୍ସ୍ଆପ ଓ ଏସ୍ଏମଏଏସ୍ରେ ଏହି ଆରୋଗ୍ୟ ସେତୁ ଡାଉନଲୋଡ୍ କରିବାକୁ ଲିଙ୍କ ଆସୁଛି । ହେଲେ ଏସ୍ଏମ୍ଏସ୍ କି ହ୍ୱାଟ୍ସଆପରେ ଆସୁଥିବା ଲିଙ୍କ ପ୍ରକୃତ ଆରୋଗ୍ୟ ସେତୁ ଆପ୍ର ଲିଙ୍କ ନୁହଁ । ଏହା ପାକିସ୍ତାନୀ ଅପରାଧୀଙ୍କ ଦ୍ୱାରା ପ୍ରସ୍ତୁତ ଚାଟ୍ ମି ଆପ୍ର ଲିଙ୍କ।
ଯଦି ହ୍ୱାଟ୍ସଆପ୍ ଓ ଏସ୍ଏମଏସ୍ରେ ଆସିଥିବା ଲିଙ୍କରୁ କେହି ଆରୋଗ୍ୟ ସେତୁ ଡାଉନଲୋଡ୍ କରିଛନ୍ତି, ତାହା ଅନ-ଇନ୍ଷ୍ଟଲ କରିବା ସହ ଫ୍ୟା୍ରି ରିସେଟ୍ କରିବାକୁ କମିଶନରେଟ୍ ପୁଲିସ ପରାମର୍ଶ ଦେଇଛି । ପ୍ରକୃତ ଆରୋଗ୍ୟ ସେତୁ ପାଇଁ ଗୁଗୁଲ ପ୍ଲେ ଷ୍ଟୋର କିମ୍ବା ଆପଲ ଆପ୍ ଷ୍ଟୋରରୁ ଡାଉନଲୋଡ୍ କରିବାକୁ କମିଶନରେଟ୍ ପୁଲିସ କହିଛି । ସୂଚନା ଅନୁଯାୟୀ, ସରକାରୀ ହେଉ କିମ୍ବା ବେସରକାରୀ କର୍ମଚାରୀ, ସମସ୍ତଙ୍କ ପାଇଁ ଆରୋଗ୍ୟ ସେତୁ ଆପ୍ ବାଧ୍ୟତାମୂଳକ କରାଯାଇଛି ଏହି ଆପ ଦ୍ୱାରା ଟ୍ରାକିଂ କରି କରୋନା ରୋଗୀଙ୍କ ସମ୍ପର୍କରେ ଜଣାପଡ଼ିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
