ପାରାଦୀପ: ଜୋର ଧରୁଛି ପାରାଦୀପ ବନ୍ଦର ମାଲ ପରିବହନ ବିବାଦ। ୨ଦିନର ଅଚଳାବସ୍ଥା ପରେ ଆଜି ଆନ୍ଦୋଳନକୁ ଓହ୍ଲାଇଛନ୍ତି ପ୍ରାୟ ୧୦ଟି ସଂଗଠନ। ସଂଗଠନଗୁଡ଼ିକ ପକ୍ଷରୁ ମିଳିତ ଶୋଭାଯାତ୍ରା କରାଯାଇଛି। ଏଥିରେ ଷ୍ଟିଭେଡର୍ସ୍ ଆସୋସିଏସନ୍, ଡମ୍ପର୍ ଓନର୍ସ୍ ଆସୋସିଏସନ୍, ଇଣ୍ଟ୍ରାପୋର୍ଟ ଡ୍ରାଇଭର୍ ଆଣ୍ଡ୍ ହେଲ୍ପର୍ ଆସୋସିଏସନ୍, କୁଜଙ୍ଗ ବାର୍ ଆସୋସିଏସନ୍, ଓଏଲ୍ ରିଫ।ଇନାରୀ ଲେବର୍ ୟୁନିଅନ୍, ପାରାଦୀପ-ଏରସମା ଶିଳ୍ପାଞ୍ଚଳ ବିକାଶ ପରିଷଦ, ପାରାଦୀପ ଇସଲାମିକ୍ ଆସୋସିଏସନ୍ ପ୍ରମୁଖ ସାମିଲ ହୋଇଥିଲେ। ବନ୍ଦରରେ ପଣ୍ୟ କାରବାରରେ ଅନିୟମିତତା ଅଭିଯୋଗ ଆଣି ଆନ୍ଦୋଳନକୁ ଓହ୍ଲାଇଛି ମିଳିତ ମଞ୍ଚ। ଶୋଭାଯାତ୍ରାରେ ପରେ ଆନ୍ଦୋଳନକାରୀମାନେ ଏଡିଏମଙ୍କୁ ଦାବିପତ୍ର ପ୍ରଦାନ କରିଥିଲେ। ଏଡିଏମ୍ ଆନ୍ଦୋଳନକାରୀମାନଙ୍କୁ ଅପରାହ୍ନରେ ଆଲୋଚନାଙ୍କୁ ଡାକିଛନ୍ତି।