ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବଲାଙ୍ଗିର(ଓଡିଶା ରିପୋର୍ଟର): ଫିଟିବ ପାଟଣାଗଡ଼ ପାର୍ସଲ ବୋମା ବିସ୍ଫୋରଣର ଗୁମର। ଷଡଯନ୍ତ୍ରକାରୀ ଜହ୍ଲାଦ ପଡ଼ିବ ପୋଲିସ ପଞ୍ଝାରେ । ଖୁବଶୀଘ୍ର ରହସ୍ୟ ଉପରୁ ପରଦା ହଟିବ। ଏହି ଘଟଣାରେ ବୌଦ୍ଧ ଜିଲ୍ଲାର ୨ ସନ୍ଦିଗ୍ଧଙ୍କୁ ଅଟକ ରଖି ପଚରାଉଚରା କରାଯାଉଛି । ପୀଡିତାଙ୍କ ଘର ବୌଦ୍ଧ ଜିଲ୍ଲାରେ ହୋଇଥିବାରୁ ଘଟଣାର ଏହାର କିଛି ଲିଙ୍କ୍ ଥିବା ନେଇ ଚର୍ଚ୍ଚା ହେଉଛି । ସେପଟେ ଏସ୍‌ସିବିରେ ଚିକିତ୍ସାଧୀନ ନବବଧୂ ରୀନା ସାହୁଙ୍କ ବୟାନ୍ ରେକର୍ଡ କରାଯାଇଛି। ତାଙ୍କ ବୟାନ ଆଧାରରେ ପୋଲିସ ତଦନ୍ତ ଜାରି ରଖିଥିବା ବେଳେ ଖୁବଶୀଘ୍ର ଘଟଣାର ପର୍ଦ୍ଦାଫାସ୍ ହେବ ବୋଲି କହିଛନ୍ତି ବଲାଙ୍ଗିର ଏସ୍‌ପି।</p> <p>ଅନ୍ୟପଟେ ଏସ୍‌ସିବିରେ ଚିକିତ୍ସାଧିନ ନବବଧୂ ରୀନା ସାହୁଙ୍କ ବୟାନ୍ ରେକର୍ଡ କରିଛି ପାଟଣାଗଡ଼ ପୋଲିସ। ସ୍ଥାନୀୟ ମାଜିଷ୍ଟ୍ରେଟଙ୍କ ଉପସ୍ଥିତିରେ ରୀନାଙ୍କଠାରୁ ଟିକିନିଖି ତଥ୍ୟ ସଂଗ୍ରହ କରାଯାଇଛି। ସେପଟେ ଆଜି ପୁଣି ଥରେ ସିବିଆଇ କିମ୍ବା ଏନ୍ଆଇଏକୁ ତଦନ୍ତ ଭାର ହସ୍ତାନ୍ତର ପାଇଁ ଦାବି କରିଛନ୍ତି ପାଟଣାଗଡ଼ ବିଧାୟକ କେ.ଭି.ସିଂହଦେଓ ।</p> <p>ସୂଚନାଯୋଗ୍ୟ, ଗତ ୨୩ ତାରିଖରେ ବଲାଙ୍ଗିର ଜିଲାରେ ଏହି ପାର୍ସଲ ବୋମା ବିସ୍ଫୋରଣରେ ସୌମ୍ୟଶେଖର ସାହୁ ଏବଂ ତାଙ୍କ ଜେଜେମାଙ୍କ ମୃତ୍ୟୁ ହୋଇଥିବା ବେଳେ ପତ୍ନୀ ରୀନା ଗୁରୁତର ଆହତ ହୋଇଥିଲେ । ବିସ୍ଫୋରଣ ଘଟିଥିବା ପାର୍ସଲ ସ୍କାଏ କିଙ୍ଗ୍ କୋରିଅର ଯୋଗେ ଛତିଶଗଡ଼ ରାୟପୁରରୁ ଆସିଥିବାରୁ ବଲାଙ୍ଗିର ପୋଲିସ ରାୟପୁର ଓ ସୌମ୍ୟଶେଖର ଚାକିରି କରୁଥିବା ବେଙ୍ଗଲୁରୁରୁ ତଦନ୍ତ ସାରି ଫେରିଛି ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
