ଭୁବନେଶ୍ୱର (ଓଡ଼ିଶା ରିପୋର୍ଟର): କୁହୁଡ଼ି ଯୋଗୁ ଫସିଲେ ବିମାନ ଯାତ୍ରୀ। ଘନ କୁହୁଡ଼ି ଯୋଗୁ ବ୍ୟାଙ୍କକରୁ ଭୁବନେଶ୍ୱର ଆସୁଥିବା ଏୟାର ଏସିଆର FD 112 ବିମାନ ଏଠାରେ ଅବତରଣ କରି ନପାରି କୋଲକାତା ଫେରି ଯାଇଛି। ଖବର ଲେଖାଯିବା ସୁଦ୍ଧା ସେମାନେ ସେଠାରେ ଫସି ରହିଛନ୍ତି।
ଗତକାଲି ରାତିରେ ବ୍ୟାଙ୍କକରୁ ୧୫୦ ଯାତ୍ରୀଙ୍କୁ ଧରି ଏୟାର ଏସିଆର ଏହି ବିମାନ ଭୁବନେଶ୍ୱର ଆସୁଥିଲା। ତେବେ ଭୁବନେଶ୍ୱର ଆକାଶରେ କୁହୁଡ଼ିର ଆସ୍ତରଣ ଯୋଗୁ ବିମାନଟି ଏଠାରେ ଅବତରଣ କରିପାରି ନଥିଲା। ଏହା କୋଲକାତା ବିମାନ ବନ୍ଦରରେ ଅବତରଣ କରିଥିଲା। ତେବେ କୋଲକାତାରେ ବିମାନ ଅବତରଣ କରିବାର ଦୁଇ ଘଣ୍ଟା ଯାଏ ଯାତ୍ରୀମାନେ ବିମାନ ଭିତରେ ହିଁ ବସି ରହିଥିଲେ। ଏହାକୁ ନେଇ ଯାତ୍ରୀମାନେ ତୀବ୍ର ଅସନ୍ତୋଷ ପ୍ରକାଶ କରିଥିଲେ।
ଏହା ପରେ ଯାତ୍ରୀମାନଙ୍କୁ ବିମାନବନ୍ଦରର ଲାଉଞ୍ଜକୁ ନିଆଯାଇଥିଲା। ସେଠାରେ ସେମାନେ ଅଟକି ରହିଛନ୍ତି। ଖବର ଲେଖାଯିବା ସୁଦ୍ଧା ସେମାନଙ୍କୁ ସେଠାରୁ ଭୁବନେଶ୍ୱର ଆଣିବା ପାଇଁ କିଛି ବ୍ୟବସ୍ଥା ହୋଇନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
