ଭୁବନେଶ୍ୱର( ଓଡ଼ିଶା ରିପୋର୍ଟର): ଲିଙ୍ଗରାଜ ମନ୍ଦିର ଚୌହଦୀକୁ ଜବରଦଖଲମୁକ୍ତ କରିବାକୁ ଆଜି ସକାଳୁ ଉଚ୍ଛେଦ କାର୍ଯ୍ୟ ଆରମ୍ଭ ହୋଇଥିଲା। ହେଲେ ଏହାକୁ ଜୋରଦାର ବିରୋଧ କରିବା ସହ ସ୍ଥାନୀୟ ବାସିନ୍ଦା ଧାରଣାରେ ବସିଛନ୍ତି।
ମିଳିଥିବା ସୂଚନା ଅନୁଯାୟୀ,ଆଜି ସକାଳେ ତାରିଣୀ ମନ୍ଦିର ଭାଙ୍ଗିବାକୁ ବୁଲଡୋଜର ଆସିଥିଲା । ପ୍ରଶାସନିକ ଅଧିକାରୀ ବି ଉପସ୍ଥିତ ଥିଲେ । କିନ୍ତୁ ସ୍ଥାନୀୟ ବାସିନ୍ଦାଙ୍କ ଜୋରଦାର ବିରୋଧକୁ ଦେଖି ବୁଲଡୋଜର ଫେରି ଯାଇଛି । ପ୍ରତିବାଦରେ ବହୁ ଲୋକେ ଧାରଣାରେ ବସିଛନ୍ତି। ଧାରଣା ପ୍ରତ୍ୟାହର କରିବା ନିମନ୍ତେ ସେମାନଙ୍କୁ ସନ୍ଧ୍ୟା ପର୍ଯ୍ୟନ୍ତ ସମୟ ଦେଇଛି ପ୍ରଶାସନ ।
ଅପରପକ୍ଷେ ଲିଙ୍ଗରାଜ ମନ୍ଦିର ପଛପଟେ ଥିବା ମେଡିକାଲ ଅଞ୍ଚଳରୁ ଉଚ୍ଛେଦ ପ୍ରକ୍ରିୟା ଜାରି ରହିଛି । କିଛି ଦୋକାନକୁ ହଟାଇଛି ପ୍ରଶାସନ । ଘଟଣାସ୍ଥଳରେ ବିଏମ୍ସି ଓ ବିଡିଏର ଅଧିକାରୀ ଉପସ୍ଥିତ ରହି ଅନୁଧ୍ୟାନ କରୁଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
