ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ମନସ୍କାମନା ପୂରଣ ପାଇଁ ଠାକୁରଙ୍କ ପାଖରେ ଘିଅ ଦୀପ ଜଳାଯାଏ। ମାତ୍ର ଏହି ଭେଜାଲ ଦୁନିଆରେ ଠାକୁରଙ୍କୁ ମଧ୍ୟ ଠିକିବାକୁ ପଛାଏ ନାହିଁ ମଣିଷ। ଘିଅ ଟିକକରେ ପୂଜା ପାଉଥିବା ଦିଅଁଙ୍କୁ ଠକିବାକୁ ଯାଇ ୟା’କୁ ବି ଭେଜେଲ କରାଯାଉଛି। କଥାଟି ଶୁଣିବାକୁ ଆଶ୍ଚର୍ଯ୍ୟ ନ ଲାଗିଲେ ବି ମୁହଁକୁ ଆପେ ଆପେ ଆସିଯାଉଛି, ସତରେ ଧର୍ମ ଛାଡିଗଲାଣି।</p> <p>ଏହିଭଳି ଏକ ଠକାମୀର ନମୂନା ଦେଖିବାକୁ ମିଳିଛି ରାଜଧାନୀ ଭୁବନେଶ୍ୱରରେ। ନକଲି ଘିଅ ତିଆରି କରି ବିକ୍ରି କରୁଥିବା ଏକ ଗ୍ୟାଙ୍ଗ ଆଜି ଧରା ପଡ଼ିଛନ୍ତି। ଭୁବନେଶ୍ୱର କମିଶନରେଟ୍‌ ପୋଲିସ ଏହି ଘଟଣାରେ ୬ ଜଣଙ୍କୁ ଗିରଫ କରିବା ସହିତ ନକଲି ଘିଅ ପ୍ରସ୍ତୁତି ସରଞ୍ଜାମ ଜବତ କରିଛି।</p> <p>ଭୁବନେଶ୍ୱର ରେଳଷ୍ଟସନ ନିକଟ ବଙ୍ଗାଳି ବସ୍ତିରେ ନକଲି ଘିଅ ଫ୍ୟାକ୍ଟ୍ରି ଚାଲିଥିଲା। ଏଠାରେ ନକଲି ଘିଅ ପ୍ରସ୍ତୁତ କରାଯାଏ। ନିମ୍ନମାନର ରିଫାଇନ ତେଲକୁ ପ୍ରଥମେ ଗରମ କଢ଼େଇରେ ପକାଯାଏ। ପରେ ସେଥିରେ କିଛି ଶୁଦ୍ଧ ଦେଶୀ ଘିଅ ଓ ସେଣ୍ଟ ମିଶାଇ ପ୍ରସ୍ତୁତ କରାଯାଏ ଖାଣ୍ଟି ଘିଅ। ତା’ପରେ ବଜାରକୁ ବିକ୍ରି ପାଇଁ ଆସିଥାଏ ଏହି ଘିଅ। ଯାହାକୁ ୮୦ରୁ ୧୦୦ଟଙ୍କା ବିକ୍ରି କରାଯାଉଛି।ଏହି ଘଅ ପୂଜାରେ ବ୍ୟବହାର ହୋଇଥାଏ। ସେହିପରି ଖାଇବା ଘିଅ ମଧ୍ୟ ଏଠାରେ ତିଆରି ହେଉଥିଲା। ଦୀର୍ଘ ୫ ବର୍ଷ ଧରି ଏଠାରେ ନକଲି ଘିଆ ତିଆରି ହେଉଥିଲା। ଏ ସମ୍ପର୍କରେ କମିଶନରେଟ୍‌ ପୋଲିସ ଜାଣିପାରି ଫ୍ୟାକ୍ଟ୍ରି ଉପରେ ଚଢ଼ାଉ କରି ୬ ଜଣଙ୍କୁ ଗିରଫ କରିଛି। ଏପରିକି ଦୁଇ କ୍ୱିଣ୍ଟାଲରୁ ଅଧିକ ନକଲି ଘିଅ ଓ ପ୍ରସ୍ତୁତି ସରଞ୍ଜାମ ଜବତ କରିଛି।</p> <p>ପୋଲିସ କମିଶନର ଯୋଗେଶ ବାହାଦୂର ଖୁରାନିଆ କହିଛନ୍ତି-“ନକଲି ଘିଅକୁ ଅସଲି ଗୁଆ ଘିଅ କହି ବିକ୍ରି କରୁଥିଲେ। ଏହି ଘିଅର ନମୂନା ପରୀକ୍ଷା ପାଇଁ ପଠାଯିବ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
