ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜନୀତିକ ବ୍ୟକ୍ତିମାନଙ୍କୁ STF ଅଫିସକୁ ଡାକି ଧମକ ଦିଆଯାଉଛି। ରାଜ୍ୟର ୪ରୁ ୫ ଜଣ ଅଣଓଡ଼ିଆ ଅଫିସର ଏପରି ଷଡ଼ଯନ୍ତ୍ର ଚଳାଉଛନ୍ତି। ଏଭଳି ଗୁରୁତର ଅଭିଯୋଗ ଆଣିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।
ରାଜ୍ୟ ବିଜେପି କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ ଅଭିଭାଷଣ ରଖି ଧର୍ମେନ୍ଦ୍ର କହିଛନ୍ତି, ଅତୀତରେ ଏଭଳି ଅପଚେଷ୍ଟା କରିଥିବା ଅଧିକାରୀଙ୍କୁ ଜେଲ୍ ଯିବାକୁ ପଡ଼ିଛି। ତେଣୁ ଓଡ଼ିଶାରେ ଏଭଳି ହେବାକୁ ଆଉ ବେଶୀ ଦିନ ନାହିଁ ବୋଲି ଧର୍ମେନ୍ଦ୍ର ଖୋଲା ଚେତାବନୀ ଦେଇଛନ୍ତି। ତା’ସହିତ ସେ ସିଏମ୍ଙ୍କ ଗ୍ରିଭାନ୍ସ ସେଲ, ପୁଲିସ ମୁଖ୍ୟାଳୟ, ଏସ୍ଟିଏଫ୍ ଅଫିସ, ମୁଖ୍ୟମନ୍ତ୍ରୀଙ୍କ ୨-୪ ଅଫିସରଙ୍କ ଘର ଉପରେ ନଜର ରଖିବାକୁ ସ୍ୱତନ୍ତ୍ର ଅବଜର୍ଭର ନିଯୁକ୍ତ କରିବା ଲାଗି ମୁଖ୍ୟ ନିର୍ବାଚନ ଅଧିକାରୀଙ୍କୁ ନିବେଦନ କରିଛନ୍ତି।
ଏହାର ଜବାବରେ ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି-“ଏବେ ମଡେଲ୍ କୋଡ ଅଫ୍ କଣ୍ଡକ୍ଟ ଲାଗୁ ହୋଇଛି। ପୁଲିସ ତା ବାଟରେ ଅଛି ଓ ଆମେ ଆମ ରାସ୍ତାରେ ଅଛୁ। ସରକାର ଅଲଗା ଓ ଦଳ ଅଲଗା। ବିଜେପି ମିଛ କହେ, ଏକଥା ଧର୍ମେନ୍ଦ୍ରବାବୁ ଭଲ ଭାବେ ଜାଣନ୍ତି। ମାତ୍ର ଏତେ ମିଛ କୁହନି, ଯାହା ଗ୍ରହଣୀୟ ହୋଇପାରିବନି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
