ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ସମ୍ବଲପୁର ସଦର ମେଡିକାଲ୍‌ରେ ୩ ବର୍ଷର ଶିଶୁକୁ ବଳାତ୍କାର ଉଦ୍ୟମ ଘଟଣାକୁ ସ୍ୱାସ୍ଥ୍ୟ ମନ୍ତ୍ରୀ ପ୍ରତାପ ଜେନା କଡ଼ା ନିନ୍ଦା କରିଛନ୍ତି। ସେ କହିଛନ୍ତି,“ଏହା ଅତ୍ୟନ୍ତ ଅମାନବୀୟ ଘଟଣା। ଏ ଘଟଣାରେ କେବେ ବି ସାଲିସ୍ କରାଯାଇପାରିବ ନାହିଁ।”</p> <p>ସ୍ୱାସ୍ଥ୍ୟ ମନ୍ତ୍ରୀ ଆହୁରି କହିଛନ୍ତି,“ମନ୍ତ୍ରୀ ଭାବେ ନୁହେଁ, ସାଧାରଣ ଲୋକ ଭାବେ ବାହାରେ ରହି ଆଲୋଚନା କଲେ କହିବି ସେଇଠି ହିଁ ତାକୁ (ଅଭିଯୁକ୍ତକୁ) ଗୁଳି କରି ମାରି ଦେବା ଉଚିତ।”</p> <p>ସୂଚନାଯୋଗ୍ୟ, ଏହି ଘଟଣାରେ ଅଭିଯୁକ୍ତକୁ ଗିରଫ କରାଯାଇଛି। ତା ନାଁ ସୁଜିତ ରଣା। ସେ ମେଡିକାଲ୍‌ରେ ସିକ୍ୟୁରିଟି ଗାର୍ଡ ଭାବେ ମୁତୟନ ହୋଇଥିଲା।</p> <p><span style="color: #ff0000;"><strong>ଘଟଣା ଥିଲା ଏମିତି</strong></span></p> <p>ସମ୍ବଲପୁର ସଦର ମେଡିକାଲରେ ଭର୍ତ୍ତି ହୋଇଥିଲେ ଜଣେ ମହିଳା ରୋଗୀ। ତାଙ୍କ ସହିତ ତାଙ୍କର ୩ ବର୍ଷର ଝିଅ ବି ମେଡିକାଲ୍ ଯାଇଥିଲା। ଅଭିଯୁକ୍ତ ସୁଜିତ ରଣା ଝିଅଟିକୁ ଡାକି ନେଇ ବଳାତ୍କାର ଉଦ୍ୟମ କରିଥିବା ଅଭିଯୋଗ ହୋଇଥିଲା। ଏହାକୁ ନେଇ ହୋହଲ୍ଲା ହେବା ପରେ ଗତକାଲି ତାକୁ ପୋଲିସ ଗିରଫ କରିଥିଲା। ଆଜି ତାକୁ ଜେଲ୍‌ ପଠାଇ ଦିଆଯାଇଛି। ଅନ୍ୟପକ୍ଷରେ ଅଭିଯୁକ୍ତ ସିକ୍ୟୁରିଟି ଗାର୍ଡକୁ ନିଯୁକ୍ତି ଦେଇଥିବା ସଂସ୍ଥା ସହିତ ଚୁକ୍ତି ବାତିଲ କରିଛନ୍ତି ମେଡିକାଲ କର୍ତ୍ତୃପକ୍ଷ। ଆଗକୁ ଯେଉଁ ସିକ୍ୟୁରିଟି ସଂସ୍ଥାକୁ ସୁରକ୍ଷା ଦାୟିତ୍ୱ ଦିଆଯିବ, ସେଥିରେ ନିୟୋଜିତ ହେବାକୁ ଥିବା ଗାର୍ଡଙ୍କ ଅପରାଧୀକ ରେକର୍ଡ ଯାଞ୍ଚ କରାଯିବ ବୋଲି ସମ୍ୱଲପୁର ସିଡିଏମ୍ଓ କେ.କେ. ଗୁପ୍ତା କହିଛନ୍ତି।</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
