ବିଜେଡି ପାଇଁ ସତର୍କ ଘଣ୍ଟି: ସର୍ଭେ

ଭୁବନେଶ୍ୱର (ଓଡ଼ିଶା ରିପୋର୍ଟର): ସି-ଭୋଟର ‘ଦେଶ କା ମୁଡ଼’ ଜନମତ ସର୍ଭେ ବିଜେଡି ପାଇଁ ସତର୍କ ଘଣ୍ଟି ସଦୃଶ୍ୟ ହୋଇଛି। ପୁଣି ଥରେ ଜନମତ ସର୍ଭେରେ ୨୦୧୯ ସାଧାରଣ ନିର୍ବାଚନରେ ବିଜେଡି ଧରାଶାୟୀ ହେବାକୁ ଦର୍ଶାଉଛି। ସର୍ଭେ ଅନୁସାରେ ବିଜେଡିର ଲୋକପ୍ରିୟତା କମିଛି। ବର୍ତ୍ତମାନ ନିର୍ବାଚନ ହେଲେ ଦଳ ୨୧ ଲୋକସଭା ଆସନରୁ ୬ଟିରେ ବିଜୟୀ ହେବାକୁ ସକ୍ଷମ ହେବ। ୨୦୧୪ ନିର୍ବାଚନରେ ଦଳ ୨୧ରୁ ୨୦ଟି ଆସନରେ ବିଜୟୀ ହୋଇଥିଲା।
ଏଥିରେ ବିଜେପି, ବିଜେଡିକୁ ହଟାଇ ରାଜ୍ୟରେ ଏକ ନମ୍ବର ଦଳ ହେବାକୁ ଯାଉଥିବା ସର୍ଭେରେ କୁହାଯାଇଛି। ବର୍ତ୍ତମାନ ସ୍ଥିତିରେ ଦଳକୁ ୧୨ଟି ଲୋକସଭା ଆସନ ମିଳିବ ବୋଲି ରିପୋର୍ଟରେ କୁହାଯାଇଛି। ୨୦୧୪ରେ ଦଳ ମାତ୍ର ଗୋଟିଏ ଆସନରେ ଜିତିବାକୁ ସକ୍ଷମ ହୋଇଥିଲା।