କଳାହାଣ୍ଡି: ନିୟମଗିରିରେ ପୁଣି ଉଠିଛି ବେଦାନ୍ତ ବିରୋଧୀ ସ୍ୱର । ପୂର୍ବରୁ ସୁପ୍ରିମକୋର୍ଟଙ୍କ ନିଦ୍ଦେର୍ଶ କ୍ରମେ ହୋଇଥିବା ପଲ୍ଲୀସଭାର ନିଷ୍ପତ୍ତି ଅନୁସାରେ ନିୟମଗିରି ଖଣି ବେଦାନ୍ତକୁ ମିଳି ନ ଥିବା ବେଳେ ସରକାର କାହିଁକି କମ୍ପାନୀକୁ ଏଠାରୁ ହଟାଉନାହାନ୍ତି ବୋଲି ପ୍ରଶ୍ନ କରିଛି ନିୟମଗିରି ସୁରକ୍ଷା ସମିତି । ଅନ୍ୟପକ୍ଷେ ବେଦାନ୍ତ କମ୍ପାନୀକୁ ସମ୍ପୂର୍ଣ୍ଣ ହଟାଇବାକୁ ଏକଜୁଟ୍ ହେଉଛନ୍ତି ଡଙ୍ଗରିଆ ଆଦିବାସୀ । ବେଦାନ୍ତର କାରଖାନା ଦ୍ୱାରା ନିୟମଗିରି ଅଞ୍ଚଳରେ ପରିବେଶ ନଷ୍ଟ ହେଉଥିବା ଡଙ୍ଗରିଆ କନ୍ଧମାନେ ଅଭିଯୋଗ କରିଛନ୍ତି । ନିୟମଗିରି ପାହାଡ ଉପରେ ରହୁଥିବା ୮୦ଟି ଗାଁର ଡଙ୍ଗରିଆ କନ୍ଧ ରାୟଗଡ଼ା ଜିଲ୍ଲା ମୁନିଗୁଡ଼ା ବ୍ଲକର ସକଟା ସମାବେଶରେ ଏକାଠି ହୋଇଥିଲେ । ନିୟମଗିରି ପାଦଦେଶରେ ବେଦାନ୍ତ କାରଖାନା ଶବ୍ଦ ଓ ବାୟୁ ପ୍ରଦ୍ୟୁଷଣ କରିବା ଦ୍ୱାରା ପାହାଡ ଉପରେ ବସବାସ କରୁଥିବା ଅଧିବାସୀମାନଙ୍କ ଜୀବନ ଜୀବିକା ପ୍ରଭାବିତ ହେଉଛି । ଆଗାମୀ ଦିନରେ ସରକାର ଏ ନେଇ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କଲେ ଆଇନ ହାତକୁ ନେବାକୁ ସଭାରେ ଚେତାବନୀ ଦେଇଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
