ଇଞ୍ଜିନ ଛାଡ଼ି କେମିତି ପଛକୁ ଗଡ଼ିଲା ପୁରୀ-ଅହମ୍ମଦାବାଦ ଏକ୍ସପ୍ରେସ୍‌? ଦେଖନ୍ତୁ ଭିଡିଓ

<p>ଟିଟିଲାଗଡ଼ (ଓଡ଼ିଶା ରିପୋର୍ଟର): ବିନା ଇଞ୍ଜିନ୍&zwnj;ରେ ପଛକୁ ଗଡ଼ିଲା ଅହମ୍ମଦାବାଦ-ପୁରୀ ଏକ୍ସପ୍ରେସ୍&zwnj;। ଏକ କିଲୋମିଟର କି ଦୁଇ କିଲୋମିଟର ନୁହେଁ, ପାଖାପାଖି ୧୫ କିଲୋମିଟର ଗଡ଼ିଗଲା ୨୨ଟି ବଗି। ଏହାକୁ ନେଇ ଯାତ୍ରୀମାନେ ପୂରା ଭୟଭୀତ ହୋଇଯାଇଥିଲେ। &nbsp;ଟ୍ରେନ୍&zwnj;ର ବଗି ଗୁଡ଼ିକର କେମିତି ଅଟକିବ କାହାରି ମୁଣ୍ଡକୁ କିଛି ଜୁଟୁନଥିଲା। ଶେଷରେ କିଛି ଯୁବକ ଟ୍ରାକ୍&zwnj;ରେ ପଥର ଦେଇ ବଗି ଗୁଡ଼ିକୁ ଅଟକାଇବାରେ ସକ୍ଷମ ହୋଇଥିଲେ। ଗତକାଲି ରାତିରେ ବଲାଙ୍ଗିର ଜିଲ୍ଲା ଟିଟିଲାଗଡ଼ ରେଳ ଷ୍ଟେସନ୍&zwnj;ରେ ଏମିତି ଏକ ଘଟଣା ଘଟିଥିଲା। ମାତ୍ର ଏଥିରେ କେହି ହତାହତ ହୋଇନାହାନ୍ତି।&nbsp;&nbsp; ଦେଖନ୍ତୁ ଏହାର ଲାଇଭ୍&zwnj; ଦୃଶ୍ୟ। କେମିତି ବଗି ଗୁଡ଼ିକ ଦ୍ରୁତ ଗତିରେ ଗଡୁଛି।</p><p>ପୂରା ଘଟଣା ଏମିତି। ଶନିବାର ରାତି ପାଖାପାଖି ସାଢ଼େ ୧୦ଟା। ଟିଟିଲାଗଡ଼ ରେଳ ଷ୍ଟେସନ୍&zwnj;ରେ ପହଞ୍ଚିଥିଲା ଅହମ୍ମଦାବାଦ-ପୁରୀ ଏକ୍ସପ୍ରେସ୍&zwnj;। ଇଞ୍ଜିନ ବଦଳା ଯାଉଥିଲା। ସ୍ପିଡ୍&zwnj; ବ୍ରେକ୍&zwnj; ବ୍ୟବହାର କରାଯାଇ ନ ଥିବାରୁ କେହି କିଛି ବୁଝିବା ଆଗରୁ ୨୨ଟି ବଗି କେସିଙ୍ଗା ଅଭିମୁଖେ ଆପେ ଆପେ ଗଡ଼ିଲା। ପ୍ରଥମେ ଯାତ୍ରୀମାନେ କିଛି ବୁଝି ପାରିଲେ ନାହିଁ। ଧୀରେ ଧୀରେ ଟ୍ରେନ୍&zwnj;ର ଗତି ଆପେ ଆପେ ବଢ଼ିଯାଇଥିଲା। ତା&rsquo;ପରେ ଯାତ୍ରୀମାନେ ଭୟଭୀତ ହୋଇପଡ଼ିଥିଲେ। ଜୀବନ ବଞ୍ଚାଇବା ପାଇଁ ଚିତ୍କାର କରିଥିଲେ। କିଛି ଯାତ୍ରୀ ବିକଳରେ ରେଳ ବିଭାଗ ହେଲ୍&zwnj;ପ ଲାଇନ୍&zwnj;କୁ ଫୋନ୍&zwnj; କରିଥିଲେ। ମାତ୍ର ଉତ୍ତର ମିଳିଥିଲା &ldquo;ଏହା ଆମ ଦାୟିତ୍ୱ ନୁହେଁ&rdquo;। ଶେଷରେ ଉପାୟଶୂନ ହୋଇ ଯାତ୍ରୀମାନେ ଟ୍ରେନ୍&zwnj;ରୁ ଓହ୍ଲାଇ ଟ୍ରାକ୍&zwnj;ରେ ପଥର ରଖି ବଗି ଗୁଡ଼ିକୁ ଅଟକାଇ ଥିଲେ। ସେତେବେଳକୁ ବଗି ଗୁଡ଼ିକ ୧୫ କିଲୋମିଟର ଅତିକ୍ରମ କରି କେସିଙ୍ଗାରେ ପହଞ୍ଚି ସାରିଥିଲା। ମାତ୍ର ଏଥିରେ କେହି ମୃତାହତ ହୋଇନାହାନ୍ତି। କହିବାକୁ ଗଲେ ଏକ ବଡ଼ ଧରଣର ଦୁର୍ଘଟଣାରୁ ଲୋକେ ଅଳ୍ପକେ ବର୍ତ୍ତି ଯାଇଥିଲେ। ପରେ ରେଳ ବିଭାଗ ଦୁଇଟି ଇଞ୍ଜିନ ନେଇ ବଗି ଗୁଡ଼ିକୁ ଅଣାଯାଇ ଥିଲା। ତା&rsquo;ପରେ ଟ୍ରେନ୍&zwnj;ଟି ପୁରୀ ଅଭିମୁଖେ ଯାତ୍ରା କରିଥିଲା।</p><p>&lt;strong&gt;&lt;span style=&quot;color: #ff0000;&quot;&gt;ଦୁଇ କର୍ମଚାରୀ ନିଲମ୍ୱିତ&lt;/span&gt;&lt;/strong&gt;</p><p>ସ୍କିଡ୍&zwnj; ବ୍ରେକ୍&zwnj; ବ୍ୟବହାର ନହେବାରୁ ଅହମ୍ମଦାବାଦ-ପୁରୀ ଏକ୍ସପ୍ରେସ୍&zwnj;ର ଇଞ୍ଜିନରୁ ବଗି ଅଲଗା ହୋଇ ପଳାଇଯାଇଥିଲା। ଏଥିପାଇଁ କାନ୍ତା ଖର୍ସେଲ ଓ ଧର୍ମେନ୍ଦ୍ର ନିହାଳଙ୍କୁ ନିଲମ୍ୱିତ କରାଯାଇଛି। ଠିକ୍&zwnj; ଭାବେ ନିଜର କାର୍ଯ୍ୟ ସମ୍ପାଦନ କରିଥିବାରୁ ସେମାନଙ୍କୁ ନିଲମ୍ୱିତ କରାଯାଇଥିବା ସମ୍ୱଲପୁର ଡିଆର୍&zwnj;ଏମ୍&zwnj; କହିଛନ୍ତି। ଏହାଛଡ଼ା ଭବିଷ୍ୟତରେ ଯେମିତି ଏମିତି ଘଟଣା ନଘଟିବ ସେଥିପ୍ରତି ବିଶେଷ ଧ୍ୟାନ ଦିଆଯିବ ବୋଲି କହିଛନ୍ତି ଡିଆରମ୍&zwnj; ଜୟଦେବ ଗୁପ୍ତା।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।