ଖୋଲିବ କି ବ୍ରହ୍ମ ବିଭ୍ରାଟ ଗୁମର? ଦାଖଲ ହେଲା ରିପୋର୍ଟ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): କାହିଁକି ହେଲା ବ୍ରହ୍ମାଣ୍ଡକର୍ତ୍ତାଙ୍କ ବ୍ରହ୍ମ ପରିବର୍ତ୍ତନରେ ବିଭ୍ରାଟ? ଚାରିଆଡୁ ଚାପ ପରେ ଶେଷରେ ଦୀର୍ଘ ୨ ବର୍ଷ ପରେ ଶ୍ରୀମନ୍ଦିର ପ୍ରଶାସନ ହାତରେ ତଦନ୍ତ ରିପୋର୍ଟ। ତେବେ ବନ୍ଦ ଲଫାପା ଭିତରେ ଥିବା ଏହି ରିପୋର୍ଟରେ କଣ ରହିଛି। ବିଭ୍ରାଟ ପାଇଁ କାହାକୁ ଦାୟୀ କରାଯାଇଛି, ରିପୋର୍ଟ କେବେ ସାର୍ବଜନୀନ ଏସବୁ ପ୍ରଶ୍ନକୁ ନେଇ ଏବେ ଚର୍ଚ୍ଚା। ରିପୋର୍ଟକୁ ଦଇତାପତି ସେବାୟତ ସ୍ୱାଗତ କରିଥିବା ବେଳେ ଶ୍ରୀମନ୍ଦିର ପରିଚାଳନା କମିଟି ପୁନର୍ଗଠନ ପୂର୍ବରୁ ଏହାକୁ ସାର୍ବଜନୀନ କରିବାକୁ ଦାବି ହୋଇଛି।</p><p>ଖୋଲିବ ବ୍ରହ୍ମ ପରିବର୍ତ୍ତନ ସମୟରେ ବିଭ୍ରାଟର ଗୁମର। କାହା ଅବହେଳାରୁ ନିଷାର୍ଦ୍ଧରେ ହେବାକୁ ଥିବା ବ୍ରହ୍ମ ସଂସ୍ଥାପନ ଦିନ ଦ୍ୱି&rsquo;ପ୍ରହରରେ ହେଲା? କେଉଁ କାରଣ ଏବଂ କେଉଁ ସେବାୟତ ଏଥିପାଇଁ ଦାୟୀ? ଏସବୁର ଗୁମର ଖୋଲିବ ଶ୍ରୀମନ୍ଦିର ପ୍ରଶାସନକୁ ଦିଆଯାଇଥିବା ତଦନ୍ତ ରିପୋର୍ଟ। ତତ୍କାଳୀନ ଶ୍ରୀମନ୍ଦିର ମୁଖ୍ୟ ପ୍ରଶାସକ ସୁରେଶ ଚନ୍ଦ୍ର ମହାପାତ୍ରଙ୍କ ସୂଚନା ଅନୁଯାୟୀ ବ୍ରହ୍ମ ପରିବର୍ତ୍ତନ ସମୟରେ ମନ୍ଦିର ଭିତରେ ଥିବା ୨୮ ଜଣ ସେବାୟତଙ୍କ ବୟାନ ଆଧାରରେ ଏହି ରିପୋର୍ଟ ପ୍ରସ୍ତୁତ ହୋଇଛି। ଏଥିରେ ବିଭ୍ରାଟର କାରଣ ସହ, ଆଗକୁ ଯେମିତି ଏହାର ପୁନରାବୃତ୍ତି ନହେବ ସେନେଇ ପରାମର୍ଶ ବି ଦିଆଯାଇଛି।</p><p>ନବକଳେବର ସମୟରେ ବ୍ରହ୍ମାଣ୍ଡକର୍ତ୍ତାଙ୍କ ବ୍ରହ୍ମ ପରିବର୍ତ୍ତନରେ ବିଭ୍ରାଟ ସାରା ରାଜ୍ୟରେ ଚହଳ ସୃଷ୍ଟି କରିଥିଲା। ତେବେ ବ୍ରହ୍ମଦର୍ଶନ ଲାଗି କିଛି ସେବାୟତଙ୍କ ଜିଦ୍ ପାଇଁ ମୁଖ୍ୟତଃ ନୀତିରେ ବିଳମ୍ବ ହୋଇଥିବା ଜଣାପଡ଼ିବା ପରେ ଦୁଇ ସେବାୟତ ଜୟକୃଷ୍ଣ ଦାସ ମହାପାତ୍ର ଓ କାଶୀନାଥ ଦାସ ମହାପାତ୍ରଙ୍କୁ ସେବାରୁ ନିଲମ୍ବନ କରାଯାଇଥିଲା। ତେଣୁ ତଦନ୍ତ ରିପୋର୍ଟରେ କାହାକୁ ଦାୟୀ କରାଯାଇଛି ତାକୁ ନେଇ ଚର୍ଚ୍ଚା। ଏହି ଘଟଣାରେ କାର୍ଯ୍ୟାନୁଷ୍ଠାନର ସମ୍ମୁଖୀନ ହୋଇଥିବା କାଶୀନାଥ କହିଛନ୍ତି ତାଙ୍କ ଉପରେ କାର୍ଯ୍ୟାନୁଷ୍ଠାନ ନ୍ୟାୟ ସଂଗତ ନଥିଲା। ରିପୋର୍ଟ ସାର୍ବଜନୀନ ହେଲେ ସବୁ ସ୍ପଷ୍ଟ ହୋଇଯିବ।</p><p>ଦଇତାପତି ସେବାୟତ ଦୁର୍ଗା ପ୍ରସାଦ ମହାପାତ୍ର କହିଛନ୍ତି-&ldquo;ବ୍ରହ୍ମ ବିଭ୍ରାଟ୍&zwnj; ନେଇ ଯାହା ପଚରାଯାଇଥିଲା ତାହାର ମୁଁ ସଠିକ୍&zwnj; ଉତ୍ତର ଦେଇଥିଲି। ତାହା ପ୍ରକାଶ ଯୋଗ୍ୟ ନୁହେଁ। ବର୍ତ୍ତମାନ ସୁଦ୍ଧା ରିପୋର୍ଟ ସାର୍ବଜନୀନ ହୋଇଥିବାରୁ ସେଥିରେ କଣ ଲେଖାଯାଇଛି, ସେନେଇ କିଛି କହିହେବ ନାହିଁ। ରିପୋର୍ଟ ସାର୍ବଜନୀନ ହେବା ପରେ ଯାହା କହିହେବ।&rdquo;<br />ଦଇତାପତି ନିଯୋଗ ସମ୍ପାଦକ ପ୍ରେମାନନ୍ଦ ଦାସ ମହାପାତ୍ର କହିଛନ୍ତି-&ldquo;ବ୍ରହ୍ମ ବିଭ୍ରାଟ୍&zwnj; ଘଟଣାର ତଦନ୍ତ ପରେ ରିପୋର୍ଟ ଦାଖଲ ହୋଇଛି। ତେବେ ଏଥିପାଇଁ ଏତେଦିନ କ&rsquo;ଣ ପାଇଁ ଲାଗିଛି? ଯେଉଁ ସମୟରେ ସୁରେଶ ମହାପାତ୍ର ଶ୍ରୀମନ୍ଦିର ପ୍ରଶାସକ ଥିଲେ ଚାହିଁଥିଲେ ସେତେବେଳେ ରିପୋର୍ଟ ଦାଖଲ କରିପାରିଥାନ୍ତେ। ସେତେବେଳେ ତାଙ୍କର ସେବାୟତ ନା ଦଇତାପତିମାନଙ୍କ ପ୍ରତି ଭୟ ଥିଲା। ଯେଉଁ ସମୟରେ ଏହି ଘଟଣାକୁ ନେଇ ରାଜ୍ୟରେ ହଇଚଇ ସୃଷ୍ଟି ହୋଇଥିଲା ସେତେବେଳେ ରିପୋର୍ଟ ଦେଇଥିଲେ ଭଲ ହୋଇଥାନ୍ତା। ଦୀର୍ଘ ଦିନ ପରେ ରିପୋର୍ଟ ଦେବାଟା ଠିକ୍&zwnj; ହେଲାନାହିଁ।&rdquo;<br />ବରିଷ୍ଠ ଦଇତାପତି କାଶୀନାଥ ଦାସ ମହାପାତ୍ର କହିଛନ୍ତି-&ldquo;ବିନା କାରଣଦର୍ଶାଅରେ ଆମକୁ ନିଲମ୍ୱନ କରାଯାଇଥିଲା। ପରେ କାରଣଦର୍ଶାଅ ଉଠାଇଦେଲେ। ଗତକାଲି ରିପୋର୍ଟ ଦାଖଲ ହୋଇଛି। ସେଥିରେ କଣ ଲେଖାଯାଇଛି ସେ କହିବେ।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।