ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): “ଏ ଝିଅ ଇଆଡିକି ଅନା, ହେଇ ଦେଖ ମୋବାଇଲ.. ଦେଖିଲୁ... ଦେଖୁଲୁ। ଉପରକୁ ଆସିଲେ ଖେଳିବୁ ଯେ।“ ଏମିତି କେତେ କ’ଣ କହି ସେମାନେ ବୁଝାଇବାକୁ ଲାଗିଥିଲେ ରାଧାକୁ। ଅନ୍ଧାରୀ କୁଅରେ ବେକେ ପାଣିରେ କିନ୍ତୁ ଏକୁଟିଆ ଠିଆ ହୋଇଥିଲା ରାଧା। ଦରୋଟି କଣ୍ଠରେ କାନ୍ଦୁଥିଲା। ବୋଧେ ମା’କୁ ଖୋଜୁଥିଲା ସିଏ । ମଝିରେ ମଝିରେ ଉପରକୁ ଚାହୁଁଥିଲା। ପାଖରେ କେହି ନ ଥିଲେ। ହେଲେ କୂଅ ଉପରେ ବେଢିଥିଲେ ଅସଂଖ୍ୟ ଲୋକ। କିଏ ଆହା ବୋଲି କହୁଥିଲା ତ କିଏ ମୋବାଇଲ ଫୋନ୍‌ର ଆଲୁଅ ଦେଖାଇ ତା ମନ ବୁଝେଇବାକୁ ଚଷ୍ଟା କରୁଥିଲା।</p> <p>ଅଢେଇ ବର୍ଷ ବୟସରେ ଜୀବନ ନା ମୃତ୍ୟ କାହା ଅର୍ଥ ସିଏ ବୁଝିଥିଲା ଯେ। ଖାଲି ଯାହା ଅନ୍ଧାରକୁ ଡରୁଥିଲା ବୋଲି କାନ୍ଦୁଥିଲା। ଉପରେ ଥିଲା ଲୋକେ ସିନା ମିଛରେ ଡରୁଥିଲେ। ସିଏ କିନ୍ତୁ କାନ୍ଦିକାନ୍ଦି ଶେଷରେ ଜିତିଗଲା ମୃତ୍ୟୁକୁ । ଆଉ ପାଇଲା ନୂଆ ଜୀବନ ।</p> <p>ଅନୁଗୁଳ ଗୁଲାସର ଗାଁରେ ସକାଳ ୯ଟା ବେଳେ କଅଁଳ ଖରାରେ ଖେଳୁଖେଳୁ ରାଧା ପଡିଯାଇଥିଲା ୨ଶହ ଫୁଟ୍ ଗଭୀର ଏକ ବୋରେୱେଲରେ। ଗାଁ ଲୋକେ ଅଗ୍ନିଶମ ବିଭାଗ ଓ ପୋଲିସକୁ ଖବର ଦେଇଥିଲେ। ଅନୁଗୁଳ ଓ ବାମରାରୁ ତୁରନ୍ତ ଅଗ୍ନିଶମ କର୍ମଚାରୀ ପହଞ୍ଚି ଆରମ୍ଭ କରି ଦେଇଥିଲେ ରେସକ୍ୟୁ ଅପରେଶନ। ଦୀର୍ଘ ସାଢ଼େ ୭ ଘଣ୍ଟାର ଗଳଦ୍‌ଘର୍ମ ଅପରେସନ ପରେ ରାଧାକୁ ସୁରକ୍ଷିତ ଉଦ୍ଧାର କରାଯାଇଛି।</p> <p>ଏବେ ଡାକ୍ତରଖାନାରେ ରାଧା। ଭଲ ଅଛି। ହେଲେ ବୁଝିପାରୁନି ସେ ଅନ୍ଧାରୀ କୁଅରେ କ’ଣ ଘଟିଥିଲା ବୋଲି। ବାପା ମା’ ବୁଝେଇବାକୁ ଲାଗିଛନ୍ତି। ଅବଶ୍ୟ ଏବେ ଆଉ ସିଏ କାନ୍ଦୁନି, ରାଧା ବୁଝିଗଲାଣି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
