କୂଅ ଭିତରେ ବେକେ ପାଣିରେ ଠିଆ ହୋଇଥିଲା ରାଧା, ରହି ରହି କାନ୍ଦୁଥିଲା, ଦେଖନ୍ତୁ ଏକ୍ସକ୍ଲୁସିଭ୍‌ ଭିଡିଓ

<p>ଭୁବନେଶ୍ୱର(ଓଡିଶା ରିପୋର୍ଟର): &ldquo;ଏ ଝିଅ ଇଆଡିକି ଅନା, ହେଇ ଦେଖ ମୋବାଇଲ.. ଦେଖିଲୁ... ଦେଖୁଲୁ। ଉପରକୁ ଆସିଲେ ଖେଳିବୁ ଯେ।&ldquo; ଏମିତି କେତେ କ&rsquo;ଣ କହି ସେମାନେ ବୁଝାଇବାକୁ ଲାଗିଥିଲେ ରାଧାକୁ। ଅନ୍ଧାରୀ କୁଅରେ ବେକେ ପାଣିରେ କିନ୍ତୁ ଏକୁଟିଆ ଠିଆ ହୋଇଥିଲା ରାଧା। ଦରୋଟି କଣ୍ଠରେ କାନ୍ଦୁଥିଲା। ବୋଧେ ମା&rsquo;କୁ ଖୋଜୁଥିଲା ସିଏ । ମଝିରେ ମଝିରେ ଉପରକୁ ଚାହୁଁଥିଲା। ପାଖରେ କେହି ନ ଥିଲେ। ହେଲେ କୂଅ ଉପରେ ବେଢିଥିଲେ ଅସଂଖ୍ୟ ଲୋକ। କିଏ ଆହା ବୋଲି କହୁଥିଲା ତ କିଏ ମୋବାଇଲ ଫୋନ୍&zwnj;ର ଆଲୁଅ ଦେଖାଇ ତା ମନ ବୁଝେଇବାକୁ ଚଷ୍ଟା କରୁଥିଲା।</p> <p>ଅଢେଇ ବର୍ଷ ବୟସରେ ଜୀବନ ନା ମୃତ୍ୟ କାହା ଅର୍ଥ ସିଏ ବୁଝିଥିଲା ଯେ। ଖାଲି ଯାହା ଅନ୍ଧାରକୁ ଡରୁଥିଲା ବୋଲି କାନ୍ଦୁଥିଲା। ଉପରେ ଥିଲା ଲୋକେ ସିନା ମିଛରେ ଡରୁଥିଲେ। &nbsp;ସିଏ କିନ୍ତୁ କାନ୍ଦିକାନ୍ଦି ଶେଷରେ ଜିତିଗଲା ମୃତ୍ୟୁକୁ । ଆଉ ପାଇଲା ନୂଆ ଜୀବନ ।</p> <p>ଅନୁଗୁଳ ଗୁଲାସର ଗାଁରେ ସକାଳ ୯ଟା ବେଳେ କଅଁଳ ଖରାରେ ଖେଳୁଖେଳୁ ରାଧା ପଡିଯାଇଥିଲା ୨ଶହ ଫୁଟ୍ ଗଭୀର&nbsp; ଏକ ବୋରେୱେଲରେ। ଗାଁ ଲୋକେ ଅଗ୍ନିଶମ ବିଭାଗ ଓ ପୋଲିସକୁ ଖବର ଦେଇଥିଲେ। ଅନୁଗୁଳ ଓ ବାମରାରୁ ତୁରନ୍ତ ଅଗ୍ନିଶମ କର୍ମଚାରୀ ପହଞ୍ଚି ଆରମ୍ଭ କରି ଦେଇଥିଲେ ରେସକ୍ୟୁ ଅପରେଶନ। ଦୀର୍ଘ ସାଢ଼େ ୭ ଘଣ୍ଟାର &nbsp;ଗଳଦ୍&zwnj;ଘର୍ମ ଅପରେସନ ପରେ ରାଧାକୁ ସୁରକ୍ଷିତ ଉଦ୍ଧାର କରାଯାଇଛି।</p> <p>ଏବେ ଡାକ୍ତରଖାନାରେ ରାଧା। ଭଲ ଅଛି। ହେଲେ ବୁଝିପାରୁନି ସେ ଅନ୍ଧାରୀ କୁଅରେ କ&rsquo;ଣ ଘଟିଥିଲା ବୋଲି। ବାପା ମା&rsquo; ବୁଝେଇବାକୁ ଲାଗିଛନ୍ତି। ଅବଶ୍ୟ ଏବେ ଆଉ ସିଏ କାନ୍ଦୁନି, ରାଧା ବୁଝିଗଲାଣି।</p>