ଗଭୀର କୂଅରୁ ଉଦ୍ଧାର ହେଲା ରାଧା: ଏମିତି ଥିଲା ଅପରେଶନ, ଦେଖନ୍ତୁ ଏକ୍ସକ୍ଲୁସିଭ ଭିଡିଓ  

<p>ଅନୁଗୁଳ,(ଓଡ଼ିଶା ରିପୋର୍ଟର):କଥାରେ ଅଛି। ରଖେ ହରି ତ&rsquo; ମାରେ କିଏ । ଅନୁଗୁଳ ଗୁଲାସର ଗାଁରେ ବୋର ୱେଲରୁ କୁନି ଝିଅ ରାଧା ଉଦ୍ଧାର ହେବା ଘଟଣା ସମସ୍ତଙ୍କୁ ଆଚମ୍ବିତ କରି ଦେଇଛି । ଦୀର୍ଘ ସାଢ଼େ ୭ ଘଣ୍ଟାର ନନ୍&zwnj;ଷ୍ଟପ୍&zwnj; ଅପରେସନ ପରେ ରାଧାକୁ ସୁରକ୍ଷିତ ଉଦ୍ଧାର କରିଛି ଅଗ୍ନିଶମ ବାହିନୀ । ସେପଟେ ବୋରେୱେଲ ଗାତରେ ଶିଶୁ ଖସି ପଡ଼ିବା ଘଟଣାରେ ଉଠା ଜଳସେଚନ ବିଭାଗ ନିର୍ବାହୀ ଯନ୍ତ୍ରୀଙ୍କୁ ତଦନ୍ତ ନିର୍ଦ୍ଦେଶ ଦେଇଛନ୍ତି ଅନୁଗୁଳ ଜିଲ୍ଲାପାଳ। &nbsp;ଗାତ କିଏ ଖୋଳିଥିଲା ଓ କାହିଁକି ପୋତା ଯାଇ ନ ଥିଲା ତାର ତଦନ୍ତ କରି କାଲିସୁଦ୍ଧା ରିପୋର୍ଟ ଦେବାକୁ ନିର୍ଦ୍ଦେଶ ଦିଆଯାଇଛି। ବୋରେୱେଲ୧୫ରୁ ୧୬ ଫୁଟ୍ ମଝିରେ ଫସି ରହିଥିବା ରାଧାକୁ ସୁରକ୍ଷିତ ଉଦ୍ଧାର କରିଛନ୍ତି ଅଗ୍ନିଶମ ବାହିନୀ। &nbsp;ଅନୁଗୁଳ ଜିଲ୍ଲା କିଶୋରନଗର ବ୍ଲକ ଗୁଲାସର ଗାଁର ଘଟିଥିଲା ଏହି ଘଟଣା। ଏହି ଘଟଣାଟି &nbsp;ଆଜି ସାରା ରାଜ୍ୟରେ ଚହଳ ପକାଇ ଦେଇଥିଲା । ତେବେ ଅଗ୍ନିଶମ ବିଭାଗର ସୁଚିନ୍ତିତ ଅପରେସନ ଯୋଗୁଁ ଝିଅଟିକୁ ସୁରକ୍ଷିତ ଉଦ୍ଧାର ପରେ ଆଶ୍ୱସ୍ତ ହୋଇଛନ୍ତି ବାପା ମା&rsquo;।</p><p>ଆଶ୍ୱସ୍ତି ହୋଇଛି ସାରା ରାଜ୍ୟ । ଯାହାକୁ ବଡ଼ଦିନରେ ବଡ଼ ସଫଳତା ବୋଲି କହିଛନ୍ତି ଲୋକେ। &nbsp;ଉଦ୍ଧାର ପରେ ଝିଅଟିକୁ ଅନୁଗୁଳ ମେଡିକାଲରେ ଭର୍ତ୍ତି କରାଯାଇଛି। ସୂଚନା ଅନୁଯାୟୀ, ସମୟ ପ୍ରାୟ ସକାଳ ୯ଟା କଅଁଳ ଖରାରେ ଖେଳୁଥିଲା ଗୁଲାସର ଗାଁର କୁନି ଝିଅ ରାଧା। &nbsp;ଖେଳି ଖେଳି ଅଜାଣତରେ ପହଞ୍ଚି ଯାଇଥିଲା ଘର ପାଖରେ ଖୋଳା ଯାଇଥିବା ୨ଶହ ଫୁଟ୍ ଗଭୀରର ବୋରେୱେଲ୍ ନିକଟରେ । କେହି କିଛି ବୁଝିବା ବେଳକୁ ହଠାତ୍ ଖସି ପଡିଥିଲା ସେ ଗଭୀର ଖାତରେ। &nbsp;ତୁରନ୍ତ ଗାଁ ଲୋକେ ଅଗ୍ନିଶମ ବିଭାଗ ଓ ପୋଲିସକୁ ଖବର ଦେଇଥିଲେ । ଅନୁଗୁଳ ଓ ବାମରାରୁ ତୁରନ୍ତ ଅଗ୍ନିଶମ କର୍ମଚାରୀ ପହଞ୍ଚି ଆରମ୍ଭ କରି ଦେଇଥିଲେ ରେସକ୍ୟୁ ଅପରେଶନ।</p><p>ଜେସିବି ମେସିନ ଲଗାଇ ବୋରେଓ୍ୱଲ୍ ନିକଟରେ ଆଉ ଏକ ସମାନ ଗଭୀରର ଖାତ ଖୋଳାଯାଇ ଅପରାହ୍ନ ପ୍ରାୟ ସାଢ଼େ ୪ଟା ବେଳେ ଝିଅଟିକୁ ସୁରକ୍ଷିତ ଉଦ୍ଧାର କରାଯାଇଥିଲା। ସେପଟେ ବୋରେୱେଲ ଗାତରୁ ଶିଶୁ କନ୍ୟାକୁ ଉଦ୍ଧାର ଘଟଣାରେ ଅଗ୍ନିଶମ କର୍ମଚାରୀଙ୍କୁ ଅଭିନନ୍ଦନ ଓ ଧନ୍ୟବାଦ ଜଣାଇଲେ। &nbsp;ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍ଧାର ହୋଇଥିବା ଅଢେଇ ବର୍ଷର ଝିଅ ରାଧାର ଆଶୁ ଆରୋଗ୍ୟ କାମନା କରିଛନ୍ତି। &nbsp;ସେହିପରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଉଦ୍ଧାର କାର୍ଯ୍ୟରେ ନିୟୋଜିତ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି।</p><p>୨୦୦୬ ମସିହା ଜୁଲାଇ ୨୧ ତାରିଖରେ ହରିୟାଣା କୁରୁକ୍ଷେତ୍ରର କାଶ୍ୟପ ଗାଁରେ ଦେଖିବାକୁ ମିଳିଥିଲା ଏଭଳି ଏକ ଘଟଣା । ସମାନ ଢଙ୍ଗରେ ଗଭୀର ବୋରେୱଲ୍ ଭିତରକୁ ଖସି ପଡିଥିଲା ପ୍ରିନ୍ସ ନାମକ&nbsp; ୫ ବର୍ଷର ବାଳକ । ବୋରେୱେଲର ୫୦ ଫୁଟ୍ ତଳେ ଫସି ରହିଥିଲା ପ୍ରିନ୍ସ। &nbsp;ତାକୁ ଉଦ୍ଧାର ଲାଗି ହୋଇଥିଲା ପ୍ରାୟ ୫୦ ଘଣ୍ଟାର ଅପରେସନ । ଏପରିକି ପିଲାଟି ଅଣନିଶ୍ୱାସୀ ହୋଇପଡୁଥିବା ଜାଣି ଖାତ ଭିତରକୁ ଅକ୍ସିଜେନ୍ ମଧ୍ୟ ଛଡ଼ା ଯାଇଥିଲା। &nbsp;ଆଉ ଶେଷରେ ଉଦ୍ଧାରକାରୀ ଦଳଙ୍କ ଶ୍ରମ ସାର୍ଥକ ହୋଇଥିଲା।</p><p>&amp;nbsp;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।