ଭୁବନେଶ୍ୱର(ଓଡ଼ିଶା ରିପୋର୍ଟର):ବିଜେଡି ବିଧାୟକ ରଜନୀକାନ୍ତ ସିଂହ ହେଲେ ବିଧାନସଭାର ଉପବାଚସ୍ପତି। ଆଜି ରଜନୀକାନ୍ତଙ୍କ ନାମକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରସ୍ତାବ ଦେଇଥିଲେ। ମୁଖ୍ୟମନ୍ତ୍ରୀଙ୍କ ପ୍ରସ୍ତାବକୁ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ସମର୍ଥନ ଜଣାଇଥିଲେ।
ରଜନୀକାନ୍ତ ସିଂହଙ୍କ ବିପକ୍ଷରେ ଆଉ କେହି ପ୍ରାର୍ଥୀ ନ ଥବାରୁ ତାଙ୍କ ନାଁକୁ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ଘୋଷଣା କରିଥିଲେ। ଅନୁଗୋଳରୁ ନିର୍ବାଚିତ ହୋଇଥିବା ରଜନୀକାନ୍ତ ସିଂହ ଗତ ପାଳିରେ ମନ୍ତ୍ରୀ ଥିଲେ।
ଉପବାଚସ୍ପତି ନିର୍ବାଚିତ ହେବା ପରେ ରଜନୀକାନ୍ତ ସିଂହ କହିଲେ- ୪ ଥର ବିଧାୟକ ଭାବେ ନିର୍ବାଚିତ ହୋଇଛି। ଅଭିଜ୍ଞତା ଅନୁସାରେ କାର୍ଯ୍ୟ କରିବି। ତେବେ ଉପବାଚସ୍ପତି ପଦବୀର ନିରପେକ୍ଷତା ନେଇ ପ୍ରଶ୍ନରେ ରଜନୀକାନ୍ତ ସିଂହ କହିଛନ୍ତି,“ ଏହି ଚୌକିଟି ସର୍ବଦା ନିରପେକ୍ଷ। କେତେବେଳେ ବା କିଏ ପ୍ରଶ୍ନ କରିଥାନ୍ତି।ଗୃହର ସୁପରିଚାଳନା ପାଇଁ କାର୍ଯ୍ୟ କରିବି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
