ଢେଙ୍କାନାଳ/ବ୍ରହ୍ମପୁର: ଭିଜିଲାନ୍ସ ବିଭାଗ ପକ୍ଷରୁ ଆଜି ରାଜ୍ୟ ବନ ନିଗମ ଚିଫ ଅଡିଟର ଓ ଦିଗପହଣ୍ଡି ଫରେଷ୍ଟ ରେଞ୍ଜରଙ୍କ ଘରେ ଚଢାଉ କରାଯାଉଛି । ଆୟ ବହିଭୁର୍ତ୍ତ ସମ୍ପତ୍ତି ଠୁଳ ଅଭିଯୋଗରେ ଚିଫ ଅଡିଟର ବେଣୁଧର ନାୟକଙ୍କ ଘରେ ଭିଜିଲାନ୍ସ ବିଭାଗ ଢେଙ୍କାନାଳ ଶାଖା ପକ୍ଷରୁ ଚଢାଉ କରାଯାଉଛି । ଯାଞ୍ଚ ବେଳେ ଭିଜିଲାନ୍ସ ଅଧିକାରୀଙ୍କୁ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ହସ୍ତଗତ ହୋଇଥିବା ଜଣାପଡିଛି । ସେହିପରି ଦିଗପହଣ୍ଡି ଫରେଷ୍ଟ ରେଞ୍ଜର କିଶୋର କୁମାର ନାୟକଙ୍କ ଘରେ ମଧ୍ୟ ଭିଜିଲାନ୍ସ ଚଢାଉ ଚାଲିଛି । ରେଞ୍ଜର ନାୟକଙ୍କ ବ୍ରହ୍ମପୁର ସ୍ଥିତ ଘର ଓ ଦିଗପହଣ୍ଡି ଅଫିସରେ ଭିଜିଲାନ୍ସ ଅଧିକାରୀମାନେ ଚଢାଉ ଜାରି ରଖିଛନ୍ତି । ବ୍ରହ୍ମପୁର ଚାଞ୍ଚରାପଲ୍ଲୀ ଅଞ୍ଚଳରେ ଥିବା ଘରେ ଚଢାଉ ସମୟରେ ଅନେକ ଗୁରୁତ୍ୱପୂର୍ଣ୍ଣ କାଗତପତ୍ର ମିଳିଛି। କିଶୋର ଖଲ୍ଲିକୋଟ ରେଞ୍ଜ ଦାୟିତ୍ୱରେ ଥିବାବେଳେ ଅନିୟମିତତା ନେଇ ବ୍ରହ୍ମପୁର ଡିଏଫଓ ଲିଖିତ ଅଭିଯୋଗ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
