ରାଜ୍ୟରେ ଶୀଘ୍ର କାର୍ଯ୍ୟକାରୀ ହେବ ୪ଟି ସାଇବର ଥାନା

saibarଭୁବନେଶ୍ୱର: ରାଜ୍ୟର ଖୁବଶୀଘ୍ର ୪ଟି ସାଇବର ଥାନା ଖୋଲାଯିବ । ରାଜ୍ୟରେ ବଢୁଥିବା ସାଇବର କ୍ରାଇମକୁ ମୁକାବିଲା ପାଇଁ ସରକାରଙ୍କୁ ଏପରି ପ୍ରସ୍ତାବ ଦିଆଯାଇଥିବା ପୋଲିସ ଡିଜି ସଞ୍ଜୀବ ମାରିକ କହିଛନ୍ତି। ସେହିଭଳି ମୁଖ୍ୟ ଶାସନ ସଚିବ ଗୋକୁଳ ଚନ୍ଦ୍ର ପତି ମଧ୍ୟ ରାଜ୍ୟରେ ଏବେ ଅଧିକ ସଂଖ୍ୟାରେ ସାଇବର ଥାନା ଖୋଲିବା ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି । ଭୁବନେଶ୍ୱର ବିଜୁ ପଟ୍ଟନାୟକ ରାଜ୍ୟ ପୋଲିସ୍ ଏକାଡେମୀରେ ସାଇବର କ୍ରାଇମ୍ ଆୱାରନେସ୍ କର୍ମଶାଳା ଉଦଘାଟନୀ ଅବସରରେ ଏହି ପ୍ରସଙ୍ଗ ନେଇ ଆଲୋଚନା ହେବା ସହ ଆଗକୁ ଏହି ସମସ୍ୟାରୁ ମୁକାବିଲା ପାଇଁ ରୋଡ ମ୍ୟାପ୍ ପ୍ରସ୍ତୁତ ହୋଇଛି। କର୍ମଶାଳାକୁ ମୁଖ୍ୟଶାସନ ସଚିବ ଗୋକୁଳଚନ୍ଦ୍ର ପତି ଉଦଘାଟନ କରିଥିଲ। ଏଥିରେ କର୍ଣ୍ଣାଟକ, ମାଡ୍ରାସ ଓ ଉତ୍ତରପ୍ରଦେଶ ପୋଲିସର ବରିଷ୍ଠ ଅଧିକାରୀମାନେ ଯୋଗ ଦେଇଛନ୍ତି । ଡାଟା ସିକ୍ୟୁରିଟି କାଉନସିଲ୍ ଅଫ୍ ଇଣ୍ଡିଆ ପକ୍ଷରୁ ଆୟୋଜିତ ଏହି କର୍ମଶାଳାରେ ଜଣେ ଆଇଜି, ୨ଜଣ ଡିଆଇଜିଙ୍କ ସହ ଏସପି, ଏଏସପିଙ୍କ ସମେତ ପ୍ରାୟ ୨୦୦ ପୋଲିସ ଅଧିକାରୀ ଯୋଗଦେଇଛନ୍ତି । ଆସନ୍ତାକାଲି କର୍ମଶାଳା ଉଦଯାପିତ ହେବ।