ରାତିପାହିଲେ ଖୋଲିବ ରହସ୍ୟମୟ ରତ୍ନଭଣ୍ଡାର: ଶ୍ରୀମନ୍ଦିରକୁ ପ୍ରବେଶ ଲାଗି କେମିତି ରହବି ପୂରା ପ୍ରକ୍ରିୟା, ଜାଣନ୍ତୁ

<p>ଭୁବନେଶ୍ୱର:(ଓଡ଼ିଶା ରିପୋର୍ଟର): ଆସନ୍ତାକାଲି ଖୋଲିବ ଶ୍ରୀମନ୍ଦିରର ରହସ୍ୟମୟ ରତ୍ନଭଣ୍ଡାର। &nbsp;&nbsp;ଦ୍ୱିତୀୟ ଭୋଗ ମଣ୍ଡପ ବଢିବା ପରେ ଅର୍ଥାତ୍ ଦିନ ପ୍ରାୟ ୨ଟାବେଳକୁ&nbsp; ଆରମ୍ଭ ହୋଇପାରେ ଭଣ୍ଡାର ଘରର ସ୍ଥିତି ଯାଞ୍ଚ । ପୂର୍ବ ନିଷ୍ପତ୍ତି&nbsp; ମୁତାବକ କେଉଁ ମାନେ ଯାଞ୍ଚ ପାଇଁ ଯିବେ ତାହା ସ୍ଥିର ହୋଇସାରିଛି । &nbsp;ତେବେ ରତ୍ନଭଣ୍ଡାର ଯାଞ୍ଚବେଳେ କଡ଼ା କଡ଼ି ପାଳନ ହେବ ଏସଓପି(ଷ୍ଟାଣ୍ଡାର୍ଡ଼ ଅପରେଶନ ପ୍ରସିଜିୟର) । &nbsp;ଦର୍ଶନ ବନ୍ଦ ରହିବ ଓ ମନ୍ଦିର ଭିତରେ ଏବଂ ବାହାରେ ଜଗିବେ ୨&nbsp; ପ୍ଲାଟୁନ୍ ସଶସ୍ତ୍ର ସୁରକ୍ଷାକର୍ମୀ । ଅଳଙ୍କାର ଗଣତି ହେବ ନାହିଁ ବୋଲି&nbsp; ସ୍ପଷ୍ଟ ହେବା ପରେ ଏବେ ଭିତରେ କେତେ କୋଠରୀ ରହିଛି ତାକୁ&nbsp; ନେଇ ବଢିଛି ଉତ୍କଣ୍ଠା।</p> <p>&lt;strong&gt;ବଢୁଛି ଉତ୍କଣ୍ଠା&lt;/strong&gt;</p> <p>ରହସ୍ୟମୟ ରତ୍ନଭଣ୍ଡାର ଭିତରେ ଅଛି କି ଅଧିକ&nbsp; କୋଠରୀ ଖୋଲିବା ସମୟ ଯେତିକି ପାଖେଇ ଆସୁଛି, ଭକ୍ତ ଓ&nbsp; ସେବାୟତଙ୍କ ମନରେ ଉତ୍କଣ୍ଠା ବି ସେତିକି ବଢି ବଢି ଚାଲିଛି । କାଲି&nbsp; ଠାକୁରଙ୍କ ଦ୍ୱିତୀୟ ଭୋଗ ମଣ୍ଡପ ବଢ଼ିବା ପରେ ହିଁ ରତ୍ନଭଣ୍ଡାର ଯାଞ୍ଚ&nbsp; ପାଇଁ ସମୟ ସ୍ଥିର ହୋଇଛି । ପୂର୍ବ ନିଷ୍ପତ୍ତି ଅନୁସାରେ ଭଣ୍ଡାର ଘର&nbsp; ଭିତରକୁ ଗଜପତିଙ୍କ ପ୍ରତିନିଧି, ଛତିଶା ନିଯୋଗ ନାୟକ, ଭଣ୍ଡାର&nbsp; ମେକାପ, ଦେଉଳ କରଣ, ତଢ଼ଉ କରଣଙ୍କ ସହ ଏଏସ୍ଆଇର ୩&nbsp; ଜଣ ପ୍ରତିନିଧି ଓ କୋର କମିଟି ଏବଂ ହାଇକୋର୍ଟଙ୍କ ଜଣେ ଲେଖାଏଁ&nbsp; ପ୍ରତିନିଧି ଯିବେ। &nbsp;ସମସ୍ତେ ଶ୍ରୀମନ୍ଦିର ପକ୍ଷରୁ ଦିଆଯିବାକୁ ଥିବା ସ୍ୱତନ୍ତ୍ର&nbsp; ଗାମୁଛା ପିନ୍ଧିବେ ଓ ସେମାନଙ୍କୁ କଡ଼ା ଯାଞ୍ଚ ବି ହେବ। &nbsp;ସବୁଠୁ ବଡ଼ କଥା&nbsp; ହେଲା ଯେଉଁମାନେ ଭଣ୍ଡାର ଘର ଯାଞ୍ଚ ପାଇଁ ଯିବେ,ସମସ୍ତେ ପ୍ରଥମେ&nbsp; ଭଣ୍ଡାର ଘରର ରକ୍ଷକ ତଥା ଶ୍ରୀଲୋକନାଥଙ୍କ ପାଖରେ ଶପଥ&nbsp; କରିବେ । କେବଳ ଭଣ୍ଡାର ଘରର କାନ୍ଥ ଓ ଛାତ ଯାଞ୍ଚ କରିବେ । &nbsp;ଭିତରେ ଥିବା କୌଣସି ଜିନିଷରେ ହାତ ମାରିବେ ନାହିଁ କି ଯାହା&nbsp; ଦେଖିଲେ ବାହାରେ ପ୍ରକାଶ କରିବେ ନାହିଁ । ରତ୍ନଭଣ୍ଡାର ଯାଞ୍ଚ ବେଳେ&nbsp; ସର୍ବ ସାଧାରଣ ଦର୍ଶନ ସମ୍ପୂର୍ଣ୍ଣ ବନ୍ଦ ରହିବ । ଏହି ସମୟରେ ଶ୍ରୀ ମନ୍ଦିର&nbsp; ଭିତରେ ଓ ବାହାରେ ୨ ପ୍ଲାଟୁନ୍ ଫୋର୍ସ ମୁତୟନ ହେବେ। &nbsp;୩୩ବର୍ଷ&nbsp; ପରେ ଯେହେତୁ ରତ୍ନଭଣ୍ଡାରର ତୃତୀୟ କୋଠରୀ ଖୋଲାଯାଉଛି । &nbsp;ତେଣୁ ଏହାର ବାୟୁ ସଞ୍ଚାଳନ ଉପରେ ମଧ୍ୟ ଧ୍ୟାନ ଦିଆଯିବ।</p> <p>&lt;strong&gt;ରତ୍ନଭଣ୍ଡାରରେ ରହିଛି କେତେ ଧନ?&nbsp;&lt;/strong&gt;</p> <p>ଶ୍ରୀମନ୍ଦିରର ଦୁର୍ଭେଦ୍ୟ ରତ୍ନଭଣ୍ଡାରରେ ରହିଛି କେତେ ଧନ&nbsp; ରତ୍ନ? &nbsp;ଭିତରେ ଅଛି କେତୋଟି କୋଠରୀ? ତାହା ଆଜିଯାଏଁ&nbsp; କୁହେଳିକାପୂର୍ଣ୍ଣ ହୋଇ ରହିଥିଲେ ବି ଜଗନ୍ନାଥ ମହାପ୍ରଭୂ କେତେ ଧନୀ&nbsp; ତାର ସମ୍ୟକ୍ ସୂଚନା ପୂର୍ବରୁ ମିଳିସାରିଛି । ଶ୍ରୀମନ୍ଦିର ଇତିହାସ&nbsp; ଅନୁସାରେ ଠାକୁରଙ୍କର ୬୨୯ ପ୍ରକାର ଦୁର୍ଲଭ ଅଳଙ୍କାର ରହିଛି। &nbsp;&nbsp;ତେବେ ଶେଷ ଥର ପାଇଁ ୧୯୭୮ ମସିହାରେ ଦୀର୍ଘ ୭୦ଦିନ ଧରି&nbsp; ହୋଇଥିବା ଗଣତି ସମୟରେ ୩ଟି କୋଠରୀରେ ୫୯୮ ପ୍ରକାରର&nbsp; ଅଳଙ୍କାର ମଧ୍ୟରେ ରହିଛି କେବଳ ୧୨୪ ପ୍ରକାରର କଳିଙ୍ଗି ହୀରା । &nbsp;ଆଉ ଶ୍ରୀଜୀଉମାନେ ବର୍ଷ ସାରା ବିଭିନ୍ନ ପର୍ବ ପର୍ବାଣିରେ ପରିଧାନ&nbsp; କରୁଥିବା ସୁନାର ଓଜନ ରହିଛି ୧୨, ୮୩୮ ଭରି ।&nbsp; &nbsp;ତେବେ ଯାଞ୍ଚ ପ୍ରକ୍ରିୟାରେ&nbsp; ଶ୍ରୀଜଗନ୍ନାଥଙ୍କ ଅାଦ୍ୟସେବକ ଗଜପତି ମହାରାଜା ସାମିଲ ହେବାକୁ&nbsp; ଦାବି କରିଛି ଶ୍ରୀଜଗନ୍ନାଥ ସେବାୟତ ସମିଳନୀ।</p>