ରାୟଗଡା: ରାୟଗଡା ଜିଲ୍ଲାର ନାଥମା ଗାଁରେ ଗତକାଲି ଗୁଣିଗାରେଡ଼ି ସନ୍ଦେହରେ ୨ ଜଣଙ୍କୁ ହତ୍ୟା କରାଯାଇଥିବା ନେଇ ଅଭିଯୋଗ ହୋଇଥିବା ବେଳେ ଆଜି ଉଭୟଙ୍କ ମୃତଦେହକୁ କଲିଙ୍ଗି ଜଙ୍ଗଲରୁ ଉଦ୍ଧାର କରାଯାଇଛି। ମାଟି ତଳୁ ମୁଣ୍ଡବିହୀନ ଅବସ୍ଥାରେ ପୋଲିସ ମୃତ ଦେହ ଦୁଇଟିକୁ ଉଦ୍ଧାର କରିଛି।
ମୃତକ ଦ୍ୱୟ ହେଲେ ନାଥମା ଗାଁର ଆପୁଡୁ ମେଲକା ଓ ଲତା ପୀଡ଼ିକା। ଗାଁର ଜଣେ ମହିଳାଙ୍କ ଦେହ ଖରାପ ହେବା ପରେ ପରିବାର ଲୋକେ ତାଙ୍କୁ ନିକଟସ୍ଥ ଗାଁର ଗୁଣିଆକୁ ଦେଖାଇଥିଲେ। ଆପୁଡୁ ଓ ଲତାଙ୍କ ଯୋଗୁଁ ଏପରି ହେଉଥିବା ଗୁଣିଆ କହିବା ପରେ ଗାଁ ଲୋକେ ବୈଠକ କରି ଉଭୟଙ୍କୁ ବାନ୍ଧି ହତ୍ୟା କରିଥିଲେ। ଏହା ପରେ ମୃତଦେହ ଦୁଇଟିକୁ ନଦୀରେ ଫିଙ୍ଗି ଦେଇଥିଲେ ବୋଲି ଆପୁଙ୍କ ଝିଅ ଅଭିଯୋଗ କରିଥିଲେ। ଏହା ପରେ ପୋଲିସ୍ ୪ ଜଣ ବ୍ୟକ୍ତିଙ୍କୁ ଥାନାକୁ ଆଣି ପଚରାଉଚରା କରିଥିଲା।