ରୋଗୀଙ୍କ ସମ୍ପର୍କୀୟଙ୍କୁ ହତ୍ୟା

ସମ୍ବଲପୁର(ଓଡ଼ିଶା ରିପୋର୍ଟର): ରୋଗୀଙ୍କ ସମ୍ପର୍କୀୟଙ୍କୁ ହତ୍ୟା। ବୁର୍ଲା ମେଡିକାଲରେ ଚିକିତ୍ସାଧୀନ ରୋଗୀଙ୍କ ସମ୍ପର୍କୀୟଙ୍କୁ ହତ୍ୟା କରାଯାଇଥିବା ଅଭିଯୋଗ ଆସିଛି। ସକାଳେ ଶୌଚ ହେବାକୁ ବାହାରକୁ ଯାଇଥିବା ବେଳେ ତାଙ୍କୁ କେହି ହତ୍ୟା କରିଥିବା ଜଣାପଡିଛି। ଧାରୁଆ ଅସ୍ତ୍ରରେ ତାଙ୍କ ଛାତି ଓ ପେଟକୁ ଆକ୍ରମଣ କରାଯାଇଛି। ଗଉଡ଼ପାଲି କେନାଲକୁ ଶୌଚ ପାଇଁ ଯାଇଥିଲା ବେଳେ ଏହି ଘଟଣା ଘଟିଛି।

ମୃତକ ଜଣକ ହେଲେ ଲମ୍ବୋଦର ନାୟକ। ସମ୍ବଲପୁର ମହୁଲପାଲୀ ଥାନା ଅନ୍ତର୍ଗତ ଛଦତାବର ଗାଁରେ ତାଙ୍କ ଘର। ଅସୁସ୍ଥ ବାପାଙ୍କ ଚିକିତ୍ସା ଲାଗି ତାଙ୍କୁ ବୁର୍ଲା ମେଡିକାଲ ନେଇ ଆସିଥିଲେ ଲମ୍ବୋଦର। ଗଉଡ଼ପାଲି କେନାଲକୁ ଶୌଚ ପାଇଁ ଯାଇଥିଲା ବେଳେ ଏହି ଘଟଣା ଘଟିଛି। ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି। ଲୁଟ୍ ଉଦ୍ଦେଶ୍ୟରେ ଏହି ହତ୍ୟା ହୋଇଥିବା ପୁଲିସ ପ୍ରାଥମିକ ସୂଚନା ଦେଇଛି। ପୁଲିସର ଏକ ଟିମ ବୁର୍ଲା ମେଡିକାଲ ଯାଇ ତନାଘନା କରୁଛି। 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।