କରୋନା କଟକଣା; ରଥ ଯାତ୍ରା, ବାହୁଡ଼ାରେ ବନ୍ଦ ରହିବ ମନ୍ଦିର, ଧର୍ମାନୁଷ୍ଠାନ

ଭଦ୍ରକ(ପାର୍ଥ ସାରଥୀ ନାୟକ): ରଥଯାତ୍ରା ପାଳନ ନେଇ ସୁପ୍ରିମ କୋର୍ଟଙ୍କ ନିର୍ଦ୍ଦେଶ ମତେ କଟକଣା ଲାଗୁ ହେବା ପରେ ଭଦ୍ରକ ଜିଲ୍ଲାରେ ବିଭିନ୍ନ ସ୍ଥାନରେ ରଥଯାତ୍ରା ପାଳନ ନେଇ ଜିଲ୍ଲାପାଳ ଡ. ଜ୍ଞାନ ଦାସ କଟକଣା ଲାଗୁ କରିଛନ୍ତି । ଏହି କଟକଣା ଆସନ୍ତା ୨୩ ତାରିଖରେ ରଥଯାତ୍ରା ଏବଂ ଜୁଲାଇ ୧ ତାରିଖର ବାହୁଡା ଯାତ୍ରା ପାଇଁ ଲାଗୁ ହେବ ।

ଏହି ସମୟରେ ସମସ୍ତ ମନ୍ଦିର, ଧର୍ମାନୁଷ୍ଠାନ ବନ୍ଦ ରହିବ । କୌଣସି ସ୍ଥାନରେ ଧାର୍ମିକ କାର୍ଯ୍ୟ ଯୋଗୁ ୭ଜଣରୁ ଅଧିକ ଏକତ୍ରିତ ହୋଇ ପାରିବେ ନାହିଁ । କେବଳ ଦୁଇଜଣ ସେବାୟତ ଅବା ପୁଜାରୀ ଠାକୁରଙ୍କ ନୀତିକାନ୍ତି କରି ପାରିବେ । କୌଣସି ଭକ୍ତ ମନ୍ଦିରକୁ ପ୍ରବେଶ କରି ପାରିବେ ନାହିଁ । ଏହି ସମୟରେ ସାମାଜିକ, ରାଜନୈତିକ, ଧାର୍ମିକ ଏକତ୍ରିକରଣ ହୋଇ ପାରିବ ନାହିଁ । ପ୍ରତ୍ୟେକ ବ୍ୟକ୍ତି କୋଭିଡ଼ ୧୯ର ନିୟମାନୁଯାୟୀ ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା କରିବା ବାଧ୍ୟତାମୂଳକ ବୋଲି ଜିଲ୍ଲାପାଳ ଡ. ଦାସ ତାଙ୍କ ନିର୍ଦ୍ଦେଶନାମାରେ ଉଲ୍ଲେଖ କରିଛନ୍ତି ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।