ନାହିଁ ନାହିଁର ଗାଁ ସେକାମାଳ: ୭୧ ବର୍ଷ ଧରି ନାଳ ସାଜିଛି କାଳ

ବୌଦ୍ଧ(ଓଡ଼ିଶା ରିପୋର୍ଟର): ଗ୍ରାମାଞ୍ଚଳକୁ ରାସ୍ତା ପାଇଁ ସରକାର ଯୋଜନା ପରେ ଯୋଜନା କାର୍ଯ୍ୟକାରି କରୁଛନ୍ତି। ଏଥିପାଇଁ କୋଟି କୋଟି ଟଙ୍କା ଖର୍ଚ୍ଚ ହେଉଛି। ଏହା ସତ୍ତ୍ୱେ ଗାଁ ଲୋକଙ୍କ ସମସ୍ୟା ସୁଧୁରୁ ନାହିଁ। ସ୍ୱାଧୀନତାର ୭୧ ବର୍ଷ ପରେ ମଧ୍ୟ ଗାଁ ଲୋକେ ବିପଦସଙ୍କୁଳ ଅବସ୍ଥାରେ ନାଳ ପାରି ହୋଇ ଯାଉଛନ୍ତି। ଏପରି ଏକ ନାହିଁନାହିଁ ଗାଁ ହେଉଛି ବୌଦ୍ଧ ଜିଲ୍ଲା କଂଟାମାଳ ବ୍ଲକ‌୍‍ ଶୁଣ୍ଢିପଦର ପଂଚାୟତର ସେକାମାଳ ଗାଁ।

ସେକାମାଳ ଗାଁରେ ବାସ କରୁଛନ୍ତି ୧୦୦ ପରିବାର। ଏମାନେ ସାଧାରଣତଃ ଚାଷ କରି ପରିବାର ଭରଣପୋଷଣ କରନ୍ତି। ଏହି ଗାଁକୁ ଯିବା ପାଇଁ ଭଲ ରାସ୍ତା ଖଣ୍ଡିଏ ନାହିଁ। ଯେଉଁ ରାସ୍ତା ଅଛି ସେଥିରେ ନାଳ ସାଜିଛି କାଳ। ଏହି ନାଳରେ ବର୍ଷକ ବାର ମାସ ପାଣି ପ୍ରବାହିତ ହେଉଥିବାରୁ ଲୋକେ ନାନା ଅସୁବିଧାରେ ପଡ଼ୁଛନ୍ତି। ବେଶୀ ଅସୁବିଧାରେ ପଡ଼ୁଛନ୍ତି ରୋଗୀ, ଶିଶୁ, ବୃଦ୍ଧ ଓ ଗର୍ଭବତୀ। ଯନ୍ତ୍ରଣା ପାଉଥିବା ଗର୍ଭବତୀଙ୍କୁ ଖଟିଆ ବା ଭାରରେ ଦୁଇ କିଲୋମିଟର ବୋହି ମନମୁଣ୍ଡ କିମ୍ୱା ସୋନ୍‌ପୁର ଡାକ୍ତରଖାନା ଯିବାକୁ ପଡୁଛି। ମାତ୍ର ଗରିବ ଆସିବାସୀଙ୍କ ପକ୍ଷେ ଏହା ସମ୍ଭବ ହେଉନାହିଁ। ବାଧ୍ୟ ହୋଇ ଗାଁ ବଇଦଙ୍କୁ ଦେଖାଉଛନ୍ତି। ଗରିବଙ୍କ ସରଳତାର ସୁଯୋଗ ନେଇ ବଇଦମାନେ ସେମାନଙ୍କ ଜୀବନ ସହିତ ଖେଳୁଥିବା ଅଭିଯୋଗ ହୋଇଛି। ବିଶେଷ କରି ବର୍ଷା ଦିନରେ ଅଧିକ ପାଣି ଯାଉଥିବାରୁ ଲୋକେ ଏକ ପ୍ରକାର ଜଳବନ୍ଦୀ ଜୀବନ ଅତିବାହିତ କରନ୍ତି ଗାଁ ଲୋକେ। ଯାହାଫଳରେ ପିଲାମାନେ ସ୍କୁଲ ଯାଇପାରୁ ନାହାନ୍ତି। ବର୍ଷା ଦିନେ ପିଲାଙ୍କ ପାଠ ପଢ଼ା ଏକ ପ୍ରକାର ଠପ୍‌ ହୋଇଯାଏ।

ଏହି ଗାଁକୁ ଯାଇଥିବା ନାଳ ଉଳ ଉପରେ ଏକ ବ୍ରିଜ୍‌ କରିବାକୁ ଗାଁ ଲୋକେ ବହୁ ଦିନରୁ ଦାବି କରୁଛନ୍ତି। ମାତ୍ର ପ୍ରଶାସନ ଏଥିପ୍ରତି ନଜର ଦେଉନାହିଁ। ଯାହାକୁ ନେଇ ଗାଁ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି।

କଣ୍ଟାମାଳ ବିଡ଼ିଓ ବିଜୟ କୁମାର ନାଏକ କହିଛନ୍ତି-“ଗାଁ ଲୋକଙ୍କଠାରୁ ଅଭଯୋଗ ପାଇଛି। ନାଳ ଉପରେ ଏକ ବକ୍ସ କଲଭର୍ଟ କରାଯିବ। ଏନେଇ ପ୍ରକ୍ରିୟା ଆରମ୍ଭ କରାଯାଇଛି।”

ରାଜେଶ କୁମାର ସାହୁ କହିଛନ୍ତି-“ନାଳ ପାଇଁ ଆମେ ଗାଁରୁ ବାହାରି ପାରୁନାହୁଁ। ବର୍ଷା ଦିନେ ପିଲାମାନେ ସ୍କୁଲ ଯାଇପାରୁ ନାହାନ୍ତି। ଗର୍ଭବତୀଙ୍କୁ ଦେଢ଼ କିଲୋମିଟର ଚଲାଇ ନେବାକୁ ପଡୁଛୁ। ଆମ ଗାଁ ଲୋକେ ଆମ୍ୱୁଲାନ୍ସ କଣ ଜାଣିନାହାନ୍ତି। ଏନେଇ ବହୁବାର ପ୍ରଶାସନ ପାଖରେ ଅଭିଯୋଗ କରିଛୁ। ମାତ୍ର ଆମ କଥା କେହି ଶୁଣୁ ନାହାନ୍ତି।”

ତପସ୍ୱିନୀ ନାଗ କହିଛନ୍ତି-“ଆମ ଗାଁକୁ ରାସ୍ତା ନାହିଁ। ବର୍ଷା ଦିନରେ ନାଳରେ ବହୁ ପାଣି ପ୍ରବାହିତ ହେଉଛି। ଆମେ ଗାଁରୁ ବାହାରି ପାରୁ ନାହୁଁ।”

ଆହୁରି ପଢ଼ନ୍ତୁ

ହାଜତ ମୃତ୍ୟୁକୁ ନେଇ କୋଡ଼ିଙ୍ଗାରେ ପ୍ରବଳ ଉତ୍ତେଜନା, ପୁଲିସର ଫ୍ଲାଗମାର୍ଚ୍ଚ

ନବୀନଙ୍କ ପଞ୍ଚମ ପାଳିରେ କେଉଁ ବିଭାଗ ମନ୍ତ୍ରୀଙ୍କ ପାଇଁ କ’ଣ ରହିଛି ଚ୍ୟାଲେଞ୍ଜ ?

ପୂଜା କରୁଥିବା ବେଳେ ପୂଜକଙ୍କ ଉପରେ ମାଡ଼ିଗଲା ଗାଡ଼ି

୧୮୫ କିଲୋମିଟର ବେଗରେ ବହିବ ପବନ, ଦେଢ ମିଟର ଉଚ୍ଚରେ ଉଠିବ ଜୁଆର

ଏଠି ରାତିରେ ଟଣା ହୁଏ ରଥ

“ବରେନ୍ଦ୍ର କୃଷ୍ଣଙ୍କ ସାହିତ୍ୟ, ସାମ୍ବାଦିକତା ଉପରେ ଗବେଷଣା ହେଉ”

ବଢ଼ି ଚାଲିଛି ଖାକି ଉତ୍ପାତ: ପବ୍ଲିକ୍‌ ଉପରେ ପୁଲିସର ଦାଦାଗିରି, ଦୁଇଟି ଭିଡିଓ ଭାଇରାଲ୍‌

ହିତାଧିକାରୀଙ୍କ ସଂଖ୍ୟାକୁ ବଢ଼ାଇ କାଳିଆ ଯୋଜନାରେ ହୋଇଛି ମହାଘୋଟାଲା:ବିଜେପି

ମନ୍ଦିରକୁ ଡାକି ପ୍ରେମିକାକୁ ହାଣିଲା, ନିଜେ ବି ହାଣିହେଲା

କେହି ଅଟକାଇଲେନି, ମ୍ୟାଟ୍ରିକ୍ ପରୀକ୍ଷା କେନ୍ଦ୍ରରେ ପଶି ପିଲାଙ୍କୁ କପି ଯୋଗାଇଲେ ଶହଶହ ଗ୍ରାମବାସୀ, ଦେଖନ୍ତୁ ଭିଡ଼ିଓ

‘ଓଡ଼ିଶା ବନ୍ଦ’ ପାଇଁ ଜିଲ୍ଲାପାଳଙ୍କୁ ସତର୍କ କରାଇଲେ ସରକାର, ସକାଳ ୯.୩୦ ସୁଦ୍ଧା ଅଫିସ୍ ଆସିବେ ସରକାରୀ କର୍ମଚାରୀ

‘ଯାତ୍ରା ଲେଖକଙ୍କୁ ମିଳୁ ସାହିତ୍ୟ ଏକାଡେମୀ ପୁରସ୍କାର’