ସମ୍ୱଲପୁର: ସମ୍ୱଲପୁରରେ ବେଆଇନ ଗୋହତ୍ୟା ଚାଲିଥିବା ପ୍ରତିବାଦରେ ରାଜରାସ୍ତାକୁ ଓହ୍ଲାଇଛି ହନୁମାନ ଜୟନ୍ତି ସମନ୍ୱୟ ସମିତି। ଆଜି ସମିତିର ଶତାଧିକ ସଭ୍ୟସଭ୍ୟା ଉତ୍ତରଞ୍ଚଳ ରାଜସ୍ୱ କମିସନରଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା କରିବା ସହ ସହରରୁ ଗୋହତ୍ୟା ସଂପୂର୍ଣ୍ଣ ବନ୍ଦ କରିବାକୁ ଦାବୀ କରିଛନ୍ତି ହନୁମାନ ଜୟନ୍ତି ସମନ୍ୱୟ ସମିତିର ସଭାପତି କର୍ଣ୍ଣେଲ ପ୍ରଭାତ ପଣ୍ଡା। ଏହି ପରିପ୍ରେକ୍ଷୀ ରେ ଉତ୍ତରାଂଚଳ ରାଜସ୍ୱ କମିସନରଙ୍କ ଉଦ୍ଦେଶ୍ୟରେ ଏକ ଦାବୀପତ୍ର ସମିତି ପକ୍ଷରୁ ଦିଆଯାଇଛି ବୋଲି ସେ କହିଛନ୍ତି। ଆସନ୍ତା ୧୫ ଦିନ ମଧ୍ୟରେ ଜିଲ୍ଲା ପ୍ରଶାସନ ଏ ନେଇ ପଦକ୍ଷେପ ନ ନେଲେ ଆଗକୁ ତୀବ୍ର ଆନ୍ଦୋଳନ କରାଯିବ ବୋଲି କମିଟି ଚେତାବନୀ ଦେଇଛି। ସମିତି ଅଭିଯୋଗ କରିଛି ଯେ ପ୍ରଶାସନକୁ ବାରମ୍ୱାର ଅନୁରୋଧ କରାଯାଉଥିଲେ ମଧ୍ୟ ଏହି ଦାବୀ ପ୍ରତି ଧ୍ୟାନ ଦିଆ ନ ଯାଇ କେବଳ ପ୍ରତିଶୃତି ଦିଆଯାଉଛି ବୋଲି ସେ କହିଛନ୍ତି। ପୋଲିସ ଜାଣିଶୁଣି ଏଥିପ୍ରତି କୌଣସି ପଦକ୍ଷେପ ନିଆଯାଉ ନାହିଁ ବୋଲି ଅଭିଯୋଗ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
