ପତ୍ନୀଙ୍କ ପାଲଟା ଅଭିଯୋଗ: ଶାନ୍ତନୁ ବି ସାଧୁ ନ ଥିଲେ

<p>ଭୁବନେଶ୍ୱର(ଓଡିଶା ରିପୋର୍ଟର): &ldquo;ସିକ୍ୟୁରିଟି ଗାର୍ଡ ଭାବେ ବାଙ୍ଗାଲୋରରେ ଚାକରି କରୁଥିଲେ । ହେଲେ ବାହାଘର ବେଳ କୁହାଗଲା ସେ ଜଣେ ସଫ୍ଟୱେର ଇଞ୍ଜିନିୟର। ଏମିତିକି ତାଙ୍କର ଅନ୍ୟ ଯୁବତୀଙ୍କ ସହ ଅନୈତିକ ସମ୍ପର୍କ ମଧ୍ୟ ରହିଥିଲା। ଯାହାକୁ ସେ ନିଜ ଭଉଣୀ ବୋଲି କହୁଥିଲେ।&rdquo; ଏଭଳି ଅଭିଯୋଗ ଆଣିଛନ୍ତି ପୁରୀ ଜିଲା ଗଡ଼ଭିଙ୍ଗୁରା ଗ୍ରାମରେ ପତ୍ନୀଙ୍କ ନିର୍ଯାତନା ସହି ନ ପାରି ଆତ୍ମହତ୍ୟା କରିଥିବା ଯୁବକ ଶାନ୍ତନୁ ପାତ୍ରଙ୍କ ପତ୍ନୀ।</p><p>ଆତ୍ମହତ୍ୟା କରିବା ଆଗରୁ ଫେସ୍&zwnj;ବୁକ୍&zwnj;ରେ ପତ୍ନୀଙ୍କ ଚରିତ୍ର ଠିକ୍&zwnj; ନ ଥିବାରୁ ସେ ଏଭଳି ଚରମ ନିଷ୍ପତ୍ତି ନେଉଛନ୍ତି ବୋଲି ଦର୍ଶାଇ ଏକ ଭିଡିଓ ଜାରି କରିଥିଲେ। ଭିଡିଓ ଭାଇରାଲ ହେବା ପରେ ଘଟଣାଟି ଚର୍ଚ୍ଚିତ ହୋଇପଡିଥିଲା। ଭିଡିଓ ଜାରି ହେବାର ଦିନକ ପରେ ଶାନ୍ତନୁ ଆତ୍ମହତ୍ୟା କରିଥିଲେ।</p><p>ପୋଲିସ ଘଟଣାର ତଦନ୍ତ କରୁଥିବା ବେଳେ ଶାନ୍ତନୁଙ୍କ ପତ୍ନୀ ଶନିବାର ଏକ ଭିଡିଓ ଜାରି କରି ନିଜ ପକ୍ଷରୁ ସଫେଇ ରଖିଛନ୍ତି । ଦୋଷୀ ଦଣ୍ଡପାଉ ସେ ଏକଥା ଚାହାନ୍ତି। ତେବେ ଗୋଟିଏ ଭିଡିଓ ଆଧାରରେ ତାଙ୍କ ମୁଣ୍ଡରେ ସବୁଦୋଷ ଳଦିଦେବା ଆଦୌ ଠିକ୍&zwnj; ନୁହେଁ ବୋଲି ସେ କହିଛନ୍ତି।</p><p>ଶାନ୍ତନୁଙ୍କ ସହ ତାଙ୍କ ବିବାହ ଚଳିତ ବର୍ଷ ମାର୍ଚ୍ଚ ୨ ତାରିଖରେ ଅନୁଷ୍ଠିତ ହୋଇଥିଲା । ବିବାହ ବେଳେ ସେ ବାଙ୍ଗାଲୋରରେ ସଫ୍ଟୱେର ଇଞ୍ଜିନିୟର ଭାବେ ଚାକିରି କରନ୍ତି ବୋଲି କୁହାଯାଇଥିଲା। ବାସ୍ତବରେ ସେ ଏକ ଘରେଇ ସଂସ୍ଥାରେ ସିକ୍ୟୁରିଟି ଗାର୍ଡ ଭାବେ ଚାକିରି କରୁଥିଲେ ବୋଲି ପତ୍ନୀ ଜଣକ ଦାବି କରିଛନ୍ତି । ଦୁହେଁ ବାଙ୍ଗାଲୋର ଯିବାପରେ ସଠାରେ ଏକଥା ଜଣାପଡିଥିଲା । ସହିପରି ଅନ୍ୟଜଣେ ଯୁବତୀଙ୍କ ଫଟୋ ଦେଖାଇ ଉକ୍ତ ଯୁବତୀଙ୍କ ସହ ତାଙ୍କ ସ୍ୱାମୀଙ୍କ ଅନୈତିକ ସମ୍ପର୍କ ଥିଲା ବୋଲି ସେ ଅଭିଯୋଗ କରିଛନ୍ତି । ଯଦି ତଦନ୍ତ ହେଉଛି ତା ହେଲେ ସବୁ ପକ୍ଷକୁ ଏକାଠି କରି ତଦନ୍ତ କରାଯାଉ ଓ ଦୋଷୀ କଠୋର ଦଣ୍ଡପାଉ ବୋଲି ସେ କହିଛନ୍ତି।</p><p>ସୂଚନାଯୋଗ୍ୟ, ପୁରୀ ଜିଲ୍ଲା ଗଡ଼ଭିଙ୍ଗୁରାର ଶାନ୍ତନୁ ସାକ୍ଷୀଗୋପାଳ ଅଞ୍ଚଳର ଉକ୍ତ ଯୁବତୀଙ୍କୁ ବିବାହ କରିବାର ମାତ୍ର କେଇଟା ଦିନ ପରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଆରମ୍ଭ ହୋଇଥିଲା ବିବାଦ। ଅନ୍ୟଜଣେ ଯୁବକଙ୍କ ସହ ପତ୍ନୀର ଅନୈତିକ ସମ୍ପର୍କ ଅଭିଯୋଗ ଉଠିବା ପରେ ଦାମ୍ପତ୍ୟ ଜୀବନରେ ସୃଷ୍ଟି ହେଲା ଝଡ଼। ଆପୋଷ, ଆଲୋଚନା, ପୋଲିସ ଥାନା କିଛି ବି କାମ ଦେଲାନି। ଏଭଳି ଅଭିଯୋଗ କରି ବିଭିନ୍ନ ସମୟରେ ସୋସିଆଲ୍ ମିଡିଆରେ ପୋଷ୍ଟ କରିଛନ୍ତି ଶାନ୍ତନୁ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।