ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ସମ୍ବିଧାନର ପ୍ରାଥମିକତା ବଜାୟ ନ ରଖିଲେ ଅରାଜକତା ଆସିବ। ସମ୍ବିଧାନରେ ଯାହା ଲେଖା ହୋଇଛି ତାହାକୁ ସମସ୍ତେ ମାନିବାକୁ ବାଧ୍ୟ। ଗଣତନ୍ତ୍ରର ସବୁ ସ୍ତମ୍ଭକୁ ସମ୍ବିଧାନର ସୁପ୍ରିମେସି ଆଗରେ ସମର୍ପଣ କରିବାକୁ ପଡିବ। ଏହା ନହେଲେ ଅରାଜକତା ଆସିବ। ଭୁବନେଶ୍ୱରରେ ଅଲ୍ ଓଡ଼ିଶା ଲୟର୍ସ କନ୍‌ଫରେନ୍ସରେ ଯୋଗ ଦେଇ ଏପରି ମତବ୍ୟକ୍ତ କରିଛନ୍ତି ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଦୀପକ ମିଶ୍ର।</p> <p>ଶନିବାର କୋର୍ଟରେ ୧୦ ବର୍ଷରୁ ଅଧିକ ପୁରୁଣା ଅପରାଧିକ ମାମଲାର ଫଇସାଲା କରିବାକୁ ଏହି ଅବସରରେ ସେ ଆହ୍ୱାନ ଦେଇଛନ୍ତି।</p> <p>ଏହାସହ କିଛି ସ୍ଥାନରେ ପ୍ରବଳ ଗରମ ଯୋଗୁଁ କୋର୍ଟ କାର୍ଯ୍ୟ ବାଧାପ୍ରାପ୍ତ ହେଉଥିବାରୁ ରାଜ୍ୟର କୋର୍ଟ ରୁମ୍‌ରେ ଏସି ଲଗାଇବାକୁ ଜଷ୍ଟିସ ମିଶ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅନୁରୋଧ କରିଛନ୍ତି।</p> <p>ଭୁବନେଶ୍ୱରରେ ଆଜିଠାରୁ ଆରମ୍ଭ ହୋଇଛି ଦୁଇ ଦିନିଆ ନିଖିଳ ଓଡ଼ିଶା ଆଇନଜୀବୀ ସଂଘର ରାଜ୍ୟ ସମ୍ମିଳନୀ। ଜଷ୍ଟିସ ମିଶ୍ର ମୁଖ୍ୟଅତିଥି ଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ। ଉତ୍ସବରେ ନେପାଳ ସୁପ୍ରିମକୋର୍ଟ ବିଚାରପତି ଆନନ୍ଦ ମୋହନ ଭଟ୍ଟରାୟ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଭୀନିତ ଶରଣ, ସ୍ୱାସ୍ଥ୍ୟ ଓ ଆଇନ ମନ୍ତ୍ରୀ ପ୍ରତାପ ଜେନା ପ୍ରମୁଖ ଯୋଗଦେଇଥିଲେ। ସମ୍ମିଲନୀରେ ରାଜ୍ୟର ୧୫୯ଟି ଓକିଲ ସଂଘର କର୍ମକର୍ତ୍ତା ଯୋଗ ଦେଇଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
