‘ଗଣତନ୍ତ୍ରର ସବୁ ସ୍ତମ୍ଭକୁ ସମ୍ବିଧାନର ସୁପ୍ରିମେସି ଆଗରେ ସମର୍ପଣ କରିବାକୁ ପଡିବ’

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ସମ୍ବିଧାନର ପ୍ରାଥମିକତା ବଜାୟ ନ ରଖିଲେ ଅରାଜକତା ଆସିବ। ସମ୍ବିଧାନରେ ଯାହା ଲେଖା ହୋଇଛି ତାହାକୁ ସମସ୍ତେ ମାନିବାକୁ ବାଧ୍ୟ। ଗଣତନ୍ତ୍ରର ସବୁ ସ୍ତମ୍ଭକୁ ସମ୍ବିଧାନର ସୁପ୍ରିମେସି ଆଗରେ ସମର୍ପଣ କରିବାକୁ ପଡିବ। ଏହା ନହେଲେ ଅରାଜକତା ଆସିବ। ଭୁବନେଶ୍ୱରରେ ଅଲ୍ ଓଡ଼ିଶା ଲୟର୍ସ କନ୍&zwnj;ଫରେନ୍ସରେ ଯୋଗ ଦେଇ ଏପରି ମତବ୍ୟକ୍ତ କରିଛନ୍ତି ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଦୀପକ ମିଶ୍ର।</p> <p>ଶନିବାର କୋର୍ଟରେ ୧୦ ବର୍ଷରୁ ଅଧିକ ପୁରୁଣା ଅପରାଧିକ ମାମଲାର ଫଇସାଲା କରିବାକୁ ଏହି ଅବସରରେ ସେ ଆହ୍ୱାନ ଦେଇଛନ୍ତି।</p> <p>ଏହାସହ କିଛି ସ୍ଥାନରେ ପ୍ରବଳ ଗରମ ଯୋଗୁଁ କୋର୍ଟ କାର୍ଯ୍ୟ ବାଧାପ୍ରାପ୍ତ ହେଉଥିବାରୁ ରାଜ୍ୟର କୋର୍ଟ ରୁମ୍&zwnj;ରେ ଏସି ଲଗାଇବାକୁ ଜଷ୍ଟିସ ମିଶ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅନୁରୋଧ କରିଛନ୍ତି।</p> <p>ଭୁବନେଶ୍ୱରରେ ଆଜିଠାରୁ ଆରମ୍ଭ ହୋଇଛି ଦୁଇ ଦିନିଆ ନିଖିଳ ଓଡ଼ିଶା ଆଇନଜୀବୀ ସଂଘର ରାଜ୍ୟ ସମ୍ମିଳନୀ। ଜଷ୍ଟିସ ମିଶ୍ର ମୁଖ୍ୟଅତିଥି ଭାବେ ଯୋଗଦେଇ ଏହାକୁ ଉଦ୍&zwnj;ଘାଟନ କରିଥିଲେ। ଉତ୍ସବରେ ନେପାଳ ସୁପ୍ରିମକୋର୍ଟ ବିଚାରପତି ଆନନ୍ଦ ମୋହନ ଭଟ୍ଟରାୟ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଭୀନିତ ଶରଣ, ସ୍ୱାସ୍ଥ୍ୟ ଓ ଆଇନ ମନ୍ତ୍ରୀ ପ୍ରତାପ ଜେନା ପ୍ରମୁଖ ଯୋଗଦେଇଥିଲେ। ସମ୍ମିଲନୀରେ ରାଜ୍ୟର ୧୫୯ଟି ଓକିଲ ସଂଘର କର୍ମକର୍ତ୍ତା ଯୋଗ ଦେଇଛନ୍ତି।</p>