ନାରାୟଣଙ୍କ ପରେ ବରଗଡ଼ ବିଜେପିରୁ ଆଉ ୭ ସଦସ୍ୟଙ୍କ ଇସ୍ତଫା

<p>ବରଗଡ଼: ବରଗଡ ଜିଲ୍ଲା ବିଜେପି ପାଇଁ ଦିନକୁ ଦିନ ଅଡୁଆ ବଢ଼ିବାରେ ଲାଗିଛି।&nbsp; ଗତକାଲି ଦଳର ୭ ସଦସ୍ୟ ଇସ୍ତଫା ଦେଇଛନ୍ତି।&nbsp; ସେମାନେ ହେଲେ ଦଳର ଓବିସି ମୋର୍ଚ୍ଚା ଜିଲ୍ଲା ସଭାପତି କଂଗ୍ରେସ ସାହୁ, ଜିଲ୍ଲା କାର୍ଯ୍ୟକାରିଣୀ ସଦସ୍ୟ ମୀନକେତନ ସାହୁ,&nbsp; ଗାଇସିଲଟ ମଣ୍ଡଳର ସାଧାରଣ ସଂପାଦକ ଯଦୁମଣି ସାହୁ, ଶରଧାପାଲି ପଞ୍ଚାୟତ ପ୍ରମୁଖ ଅଭିମନ୍ୟୁ ସାହୁ, ମଣ୍ଡଳ କାର୍ଯ୍ୟକାରିଣୀ ସଦସ୍ୟ ଶ୍ରୀମନ୍ତ ସାହୁ, ଶରଧାପାଲି ବୁଥ୍ ପ୍ରମୁଖ ଆଲୋକ ସାହୁ ଓ ଶରଧାପାଲି ବୁଥ୍ ସଂପାଦକ ରମଣୀ ରଂଜନ ଭୋଇ&nbsp; ଏମାନେ ଗତକାଲି ନିଜନିଜ ପଦବୀ ତଥା ପ୍ରାଥମିକ ସଦସ୍ୟରୁ ଇସ୍ତଫା ଦେଇଥିବା ନେଇ ବିଜେପି ରାଜ୍ୟ ସଭାପତିଙ୍କୁ ଏକ ପତ୍ର ମାଧ୍ୟମରେ ଲେଖି ପଠାଇଛନ୍ତି।</p> <p>ଏହି ୭ଜଣ ନିକଟରେ ବରଗଡ ଜିଲ୍ଲା ସଭାପତି ପଦରୁ ଇସ୍ତଫା ଦେଇ ବିଜେଡିରେ ମିଶିଥିବା ନାରାୟଣ ସାହୁଙ୍କ ସମର୍ଥକ ବୋଲି କୁହାଯାଉଛି।</p> <p>ସୂଚନାଯୋଗ୍ୟ, ୪ ଦିନ ତଳେ ବରଗଡ଼ ବିଜେପିର ଟାଣୁଆ ନେତା ତଥା ଜିଲ୍ଲା ସଭାପତି ଥିବା ନାରାୟଣ ସାହୁ ଦଳର ପ୍ରାଥମିକ ସଦସ୍ୟ ଓ ଜିଲ୍ଲା ସଭାପତି ପଦରୁ ଇସ୍ତଫା ଦେଇଥିଲେ। ଏହାପରେ ସେ ନବୀନ ନିବାସ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିଥିଲେ। ଆସନ୍ତା ୩ ତାରିଖରେ ବିଜେପୁରରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ନାରାୟଣ ବିଧିବଦ୍ଧ ଭାବେ ବିଜେଡିରେ ଯୋଗ ଦେବେ ବୋଲି ସୂଚନା ଦେଇଛନ୍ତି।</p>