ଦୋକାନ ଉପରକୁ ମାଡ଼ିଗଲା ହାଇୱା, ଚାଲିଗଲା ଦୋକାନୀଙ୍କ ଜୀବନ

ଢେଙ୍କାନାଳ(ରାଜଶ୍ରୀ ଶତପଥୀ): ଢେଙ୍କାନାଳ ଜିଲ୍ଲା ଗଁନ୍ଦିଆ ଥାନା ଅନ୍ତର୍ଗତ ବାଇଁଶିଆ ଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଜଣଙ୍କର ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ମନେଇ ସାହୁ।

ଆଜି ସକାଳେ ମନେଇ ତାଙ୍କ ପାନ ଦୋକାନରେ ବସିଥିଲେ। ଏହି ସମୟରେ ଏକ ବାଲି ବୋଝେଇ ହାଇୱା ବାଲି ପକାଉଥିଲା। ହେଲେ ହାଇୱା ଚକ ଦବିଯିବାରୁ ଏହା ଭାରସାମ୍ୟ ହରାଇ ପାଖରେ ଥିବା ଦୋକାନ ଉପକୁ ମାଡ଼ି ଯାଇଥିଲା। ଫଳରେ ଦୋକାନରେ ବସିଥିବା ମନେଇ ଟ୍ରକ୍ ତଳେ ଚାପି ହୋଇ ମୃତ୍ୟୁବରଣ କରିଥିଲେ।